Notas
-
Esta exposición sobre o artista canadense en España enténdese como a máis completa sobre a súa obra. Reábrese a terraza do CGAC coa peza recén restaurada Triangular Pavillion, de Dan Graham. Curtametraxes, concertos e conferencias, na oferta ata finais de ano. -
Caramuxo, co seu espectáculo Pío, e o grupo Sarabela, coa súa montaxe titulada Tango, ocupan o martes 18 de outubro os escenarios da SGAE/Fundación Autor e do Teatro Principal de Santiago de Compostela, dentro da programación da Mostra de Artes Escénicas de Galicia. -
A UNED Sénior do Eume e Terra Chá inaugurou en Guitiriz o seu curso con 150 alumnos dos seis municipios que integran a Universidade. O acto contou coa presenza da secretaria Xeral de Familia e Benestar, Susana López Abella, e do alcalde local, Xosé María Teixido; así como de representantes dos concellos membros. -
A prestixiosa Fundación Alexander von Humboldt acaba de conceder á profesora de Gramática Alemá da USC María José Domínguez Vázquez unha bolsa de investigación en recoñecemento á súa meritoria traxectoria. Profesora Titular de Gramática Alemá da USC dende 2008, Domínguez Vázquez foi a primeira doutora europea en Filoloxía Alemá de Galicia e Premio Extraordinario de Doutoramento. -
O pianista cubano Antonio Queija Uz inaugura no Paraninfo da USC o ciclo de concertos "Franz Liszt, o peregrino’", promovido con motivo do segundo centernario do nacemento do compositor e pianista húngaro. O ciclo remata o 22 de novembro coa xaponesa Haruna Takebe. -
Presentouse a nova entrega da Revista de Estudos Rosalianos que, en palabras do director xeral do Libro, serve para “situar na realidade do presente o legado da autora fundacional da literatura galega contemporánea”, á que considera unha "parte importantísima do noso patrimonio galego". -
A través de guías pedagóxicos e de material educativo, os participantes coñecerán os cambios culturais e sociais que supuxo a escritura mecanizada, mergullaranse nas diferentes etapas históricas das pezas expostas e desenvolverán capacidades artísticas e comunicativas. -
Marilar Aleixandre e Bieito Iglesias abriron o VI Ciclo de Escritores/as na Universidade. Literatura galega hoxe, que adica novas sesións á poesía e ao teatro coa presenza de Quico Cadaval. AELG e Universidade de Vigo promoven este encontro.
-
A Biblioteca Municipal de Verín recibe o Premio á Mellor Iniciativa para o Fomento da Lectura para Bibliotecas Públicas 2011 na Feira Liber de Madrid, na que case trinta editoriais galegas presentan as súas novidades. -
O seu traballo foi escollido pola plataforma Sounds from Spain como parte dun concerto que terá lugar o 27 de outubro no Koncerthuset xunto a outros artistas españois. Agadic apoia a presenza dos galegos nesta importante cita musical que se celebra na capital dinamarquesa.
