A Universidade de Vigo debate sobre literatura galega no VI Ciclo de Escritores/as na Universidade
O responsable de Política Lingüística, Anxo Lorenzo, participou hoxe na inauguración do VI Ciclo de Escritores/as na Universidade, onde destacou o importante papel da literatura tanto para a promoción do galego como para a difusión e a fixación da súa variedade estándar.
A inauguración do VI Ciclo de Escritores/as na Universidade. Literatura galega hoxe (alba de gloria ou solpor dos deuses). Os escritores/as perante a crise tivo lugar na Facultade de Filoloxía e Tradución da Universidade de Vigo (UVigo). Na mesa inaugural acompañaron o secretario xeral a directora do departamento de Filoloxía Galega e Latina da UVigo, Camiño Noia, e a representante da Asociación de Escritores en Lingua Galega (AELG). Tamén asistiu ao acto a concelleira de Vigo Mariel Larriba.
Colaboración coa AELG e co PEN Club
A Secretaría Xeral de Política Lingüística colabora coa AELG na realización deste ciclo a través dun convenio. Ademais desta iniciativa, ao abeiro do marco de colaboración entre as dúas entidades a AELG leva a cabo actuacións que inciden na difusión das obras dos escritores e escritoras en lingua galega e tamén na súa proxección exterior. É o caso da ampliación da fonte informativa e documental do portal web da AELG, que incorpora fichas sobre autores e autoras galegos, e da III Residencia de Escritoras/es Galegas/os.
A aposta da secretaría xeral pola potencialidade das letras galegas para impulsar a difusión e a promoción social do idioma tamén se materializa na colaboración con outra das entidades de referencia neste ámbito, o PEN Club de Galicia. A conmemoración dos 50 anos do pasamento de Aquilino Iglesia Alvariño e a homenaxe a Xosé María Díaz Castro co gallo do aniversario da publicación de Nimbos –que cumpriu este ano medio século–, son algunhas das iniciativas nas que colaboraron este ano a secretaría xeral e o PEN Club.
Recoñecidos escritores
A sexta edición do ciclo, que comezou cunha mesa redonda sobre narrativa na que participaron Marilar Aleixandre e Bieito Iglesias, desenvolverase ao longo de tres semanas, cunha mesa redonda cada xoves. As outras dúas mesas redondas das que consta o ciclo, a de poesía e a de teatro, celebraranse o 20 de outubro e o 3 de novembro, respectivamente. Os encargados de abordar o xénero poético serán Marga Doval e Enma Pedreira, mentres que Afonso Becerra e Quico Cadaval falarán sobre o xénero teatral.
A inauguración do VI Ciclo de Escritores/as na Universidade. Literatura galega hoxe (alba de gloria ou solpor dos deuses). Os escritores/as perante a crise tivo lugar na Facultade de Filoloxía e Tradución da Universidade de Vigo (UVigo). Na mesa inaugural acompañaron o secretario xeral a directora do departamento de Filoloxía Galega e Latina da UVigo, Camiño Noia, e a representante da Asociación de Escritores en Lingua Galega (AELG). Tamén asistiu ao acto a concelleira de Vigo Mariel Larriba.
Colaboración coa AELG e co PEN Club
A Secretaría Xeral de Política Lingüística colabora coa AELG na realización deste ciclo a través dun convenio. Ademais desta iniciativa, ao abeiro do marco de colaboración entre as dúas entidades a AELG leva a cabo actuacións que inciden na difusión das obras dos escritores e escritoras en lingua galega e tamén na súa proxección exterior. É o caso da ampliación da fonte informativa e documental do portal web da AELG, que incorpora fichas sobre autores e autoras galegos, e da III Residencia de Escritoras/es Galegas/os.
A aposta da secretaría xeral pola potencialidade das letras galegas para impulsar a difusión e a promoción social do idioma tamén se materializa na colaboración con outra das entidades de referencia neste ámbito, o PEN Club de Galicia. A conmemoración dos 50 anos do pasamento de Aquilino Iglesia Alvariño e a homenaxe a Xosé María Díaz Castro co gallo do aniversario da publicación de Nimbos –que cumpriu este ano medio século–, son algunhas das iniciativas nas que colaboraron este ano a secretaría xeral e o PEN Club.
Recoñecidos escritores
A sexta edición do ciclo, que comezou cunha mesa redonda sobre narrativa na que participaron Marilar Aleixandre e Bieito Iglesias, desenvolverase ao longo de tres semanas, cunha mesa redonda cada xoves. As outras dúas mesas redondas das que consta o ciclo, a de poesía e a de teatro, celebraranse o 20 de outubro e o 3 de novembro, respectivamente. Os encargados de abordar o xénero poético serán Marga Doval e Enma Pedreira, mentres que Afonso Becerra e Quico Cadaval falarán sobre o xénero teatral.
Gabinete de Comunicación da Xunta de Galicia
