Notas
-
Os directores Eduardo Chapero-Jackson e Nacho Vigalondo ofrecen dúas clases maxistrais sobre novas maneiras de facer cine, durante o Foro Academia Aberta que se celebra na Cidade da Cultura de Galicia. A creatividade e a innovación enténdense como os motores do futuro do sector audiovisual. -
Presentouse en Vigo o libro-disco sobre Álvaro Cunqueiro titulado "Haberá Primavera. Catorce poemas, catorce cancións", unha obra do cantautor Cesar Morán editada por Galaxia. Ademáis do libro, a obra contén dous CDs con poemas musicados e a derradeira conversa de Cunqueiro con Morán poucos días antes de falecer.
-
Esta iniciativa, encadrada na área de formación do Consorcio Audiovisual, en concreto como unha extensión singular do seu programa Audiovisual nas Aulas, celébrase na Facultade de Ciencias Sociais e da Comunicación de Pontevedra. -
O Centro Coreográfico deseña e interpreta unha das pezas de “A Sinfonía das Fábulas” para o concerto de Nadal da Banda de Silleda. A coreografía está inspirada na fábula de Esopo “A lebre e a tartaruga”, unha composición para banda de música asinada pola estadounidense Julie Giroux. -
As pezas que se poden contemplar no MUPEGA son recordos do traballo infantil das xeracións anteriores, que reflicten o seu esmero diante do rigoroso exame da inspección educativa do que eran obxecto. Ofrece, tamén, un repaso pola historia da educación en España desde dentro. -
O Congreso Lois Pereiro, organizado pola Real Academia Galega, conta coa participación de grandes escritores e expertos en literatura galega para analizar a obra e a vida do poeta monfortino no que será "un punto e aparte nos actos de homenaxe das Letras Galegas 2011". -
“O primeiro Dicionario Xurídico Galego é unha obra monumental coa que a nosa lingua acode a unha nova cita coa historia”, afirmou o conselleiro de Educación Xesús Vázquez que presentou esta obra promovida por Política Lingüística e a Revista Xurídica Galega. -
O novo dramaturgo Marcos Abalde gaña o XX Premio Álvaro Cunqueiro coa súa aposta polo teatro poético en “A cegueira”. Paula Carballeira, coa obra “O refugallo” obtivo o VI Manuel María de literatura dramática infantil, do que xa fora a súa primeira gañadora en 2006. Agadic anunciou, así, os nomes dos autores recoñecidos na edición 2011 dos galardóns de literatura dramática. -
A xerente da Fundación Centro Galego da Artesanía e do Deseño, Elena Fabeiro Castro, recollerá esta noite o galardón que lle outorga a revista Galiciademoda á marca Artesanía de Galicia, propiedade da Xunta, en recoñecemento ao traballo do goberno galego en favor da promoción e do impulso do sector artesán galego. -
O contratenor francés Philippe jaroussky, o máis importante dos cantantes barrocos actuais, actúa o 4 de decembro na Coruña no marco do ciclo Grandes Voces do Galicia Classics. O seu concerto baséase en arias de óperas de G.F. Händel como Xulio César, Agripina e Xerxes, entre outras.
