Notas
-
O Centro Andaluz de Teatro ofrece entre o 1 e o 3 de decembro, no Salón Teatro de Compostela, catro funcións de “La noche de Max Estrella”, en coprodución co CDG. Trátase dunha proposta escénica a partir de “Luces de Bohemia”, de Valle-Inclán, no 75 aniversario do pasamento do escritor. -
O Consorcio Audiovisual de Galicia encabeza a presenza galega en Arxentina con 14 empresas audiovisuais que establecerán contactos de cara á coprodución de proxectos e á busca de novos formatos.
-
A Fundación Vicente Risco vén de entregar á Xunta de Galicia as copias dixitalizadas de manuscritos, debuxos, libretas de notas e demais material empregado por Vicente Risco para o seu almacenamento na Cidade da Cultura. Protexer e difundir o rico legado bibliográfico e documental que alberga esta institución é o principal obxectivo deste acordo. -
O profesor Ignacio Castro, coa charla “A lentitude fulminante. De Lao Zi a Nietzsche”, e Joxerra Garzía, coa ponencia “Pílulas de sabedoría popular: do refrán ao tweet”, abren e pechan o Laboratorio de pensamento breve na CdC. -
A Xunta avanza que a nova Lei de bibliotecas de Galicia permitirá un novo modelo de biblioteca “para que poida traballarse en rede e para que poida avanzarse na idea dunha verdadeira biblioteca pública de Galicia dixital”. A nova norma permitirá que os galegos accedan ás 456 bibliotecas públicas da comunidade. -
Creada, dirixida e interpretada por Cristina Balboa e Paulina Funes, a montaxe xunta diferentes liñas de traballo para dialogar sobre o imaxinario amoroso e des-amoroso. As dúas performers íspense emocionalmente para crear unha peza que nace da confluencia de cadansúa forma de expresión escénica. -
A Secretaría Xeral da Igualdade e o CGAI da Coruña promoven un ciclo de cine conmemorativo do Día Internacional contra a Violencia de Xénero. A campaña inclúe un spot que se emite na TVG, nas salas de cine e nos autobuses urbáns das principais cidades galegas. -
Agadic patrocina o V Certame Galego de Bandas de Música, con tres concertos nos que participan 14 formacións de toda Galicia. No marco da celebración do Ano da Música, este encontro de bandas celébrase no Auditorio de Galicia, de Compostela, do 25 ao 27 de novembro. -
Australia ocupa o posto número 16 na clasificación de nacións que máis peregrinos aportan a Santiago, xusto detrás de Corea. Por iso a Xunta, a través da S.A. de Xestión do Plan Xacobeo intensifica as accións de promoción do Camiño de Santiago no continente. -
A banda norueguesa de metal experimental, Ulver, ofrece un repaso polas case dúas décadas de historia, nas que evolucionaron do black metal ata a experimentación con música sinfónica, rock progresivo e os ritmos do novo soul electrónico.
