Notas
-
A versión galega do clásico de Bertolt Brecht e Kurt Weill que dirixiu Quico Cadaval e protagonizou Luis Tosar, A ópera dos tres reás, remata a súa distribución como a obra máis vista na historia do CDG cun total de 19.700 espectadores contabilizados. -
A celebración destes cursos é un dos principais acordos adoptados no Workshop on Pilgrimate Studies, celebrado en Washington e ao que asistiron representantes de corenta universidade de Estados Unidos e Canadá. O Xacobeo presentou a película The Way. -
Pamelia Kurstin ofrece dous obradoiros de theremín en Vigo e Santiago, no ciclo Espazos Sonoros que propón achegarse a este peculiar instrumento da man dunha intérprete de prestixio internacional, que ten actuado xunto a artistas como David Byrne, Richard Cheese ou Béla Fleck. -
Coincidindo coa celebración do Día Internacional da Tradución e no centenario do nacemento de Cunqueiro, preséntase a versión inglesa do libro Xente de aquí e de acolá, traducido por Jonathan Dunne co título Folks from here and there, co fin de proxectar a identidade e a cultura galegas no ámbito exterior. -
No acto de clausura do seminario As televisións autonómicas e o futuro do sector audiovisual en España, o conselleiro de Cultura da Xunta salienta o papel da CRTVG na normalización lingüística e no desenvolvemento do sector audiovisual galego. -
Esta actuación permite a mellora das canles comunicativas co conxunto da comunidade educativa. No futuro integraranse os novos espazos de Innovación Educativa, Atención á Diversidade e Orientación, Lexislación e Educación Viaria.
-
O Centro Galego de Arte Contemporánea (CGAC) exhibe ata o 16 de outubro a exposición Lección de Cousas que completa o libro do mesmo título escrito por Antón Reixa, nun compromiso coa cultura galega e a procura de novos retos.
-
O galeón La Pepa, unha réplica dos galeóns españois que uniron España e América durante séculos, acolle a exposición itinerante conmemorativa do bicenteneario da Constitución española de 1812. O centro de interpretación da Carta Magna atraca varios días na Coruña. -
A longametraxe gañadora foi producida con financiamento privado, rodada por un equipo técnico recentemente saído das escolas, cámara en man e baseándose en técnicas de improvisación. Aficionados impúxose nunha axustada votación a Incendies.
-
As Xornadas de Banda Deseñada, que se celebran do 4 ao 18 de outubro na Casa da Xuventude de Ourense, están dedicadas á memoria de Benito Losada e tamén haberá espazo para un tributo colectivo aos autores galegos de Polaqia que se disolve a finais de 2011.
