Notas
-
Amósanse ata o 10 de decembro un total de 135 obras deste innovador e vangardista fotógrafo de Allariz, amigo de escritores como Unamuno, Alberti, Ayala ou Bergamín. A mostra, que se abriu por primeira vez ao público na Cidade da Cultura en novembro de 2015, chega á capital da India tras pasar por Madrid, Bos Aires, Montevideo, París e Toquio. -
O 22º Festival de Cine Internacional de Ourense conta co apoio da Agadic e da Secretaría Xeral de Política Lingüística en accións de promoción do sector como o III Encontro de Coprodución Portugal-Galicia ou o I Foro de Postprodución Áncora. Celebrarase do 20 ao 27 de outubro arredor de seccións competitivas con 65 filmes. -
Oito séculos despois da súa creación, o tesouro musical e bibliográfico procedente da Morgan Library regresa a onde naceu, expoñéndose no Museo do Mar de Galicia. 'Pergamiño Vindel. Un tesouro en sete cantigas' recupera unha das partidas de nacemento máis claras do idioma e da cultura. -
O Pavillón Lino da Coruña acolle a estrea d'A man de Santiña, de Ramón Cabanillas, a obra escollida polo Conservatorio Nacional de Arte Galega da Irmandade da Coruña para a súa presentación. A peza simboliza ese día sobre o escenario o inicio dunha nova andaina para o teatro e a lingua galega. -
A Consellería de Cultura e Educación apoia a proxección exterior do sector galego neste evento, que celebra na cidade alemá unha nova edición do 11 ao 15 de outubro. A Editorial Galaxia, Edicións Xerais de Galicia, KNS Edicións, Hércules de Ediciones, Nova Galicia Edicións, Alvarellos, Arnoia Distribución, Bolanda, Kalandraka, MC Sports, Bululú e Catro Ventos difunden a súa produción editorial. -
O Arquivo da Real Academia Galega recibiu a doazón da tradución das Sonatas de Ramón María del Valle-Inclán ao galego realizada por Rafael de Castro García. Ademáis a RAG concede os premios do proxecto Primavera das Letras concibido para coñecer e difundir como celebraron o Día das Letras Galegas os centros educativos dos máis pequenos. -
Organizada por Turismo de Galicia, a exposición itinerante percorre con éxito varias cidades para homenaxear aos hospitaleiros voluntarios. É unha homenaxe a todos os hospitaleiros voluntarios a través dunha selecta colección de fotografías de Manuel G. Vicente que foron tomadas nas últimas décadas. A mostra pretende difundir os valores xacobeos ao longo da Vía da Prata. -
Víctor F. Freixanes impartiu a conferencia inaugural do XIX Simposio Pondaliano, que se desenvolve todos os martes do mes de outubro na sede da Fundación Eduardo Pondal na aldea do Couto de Ponteceso. Víctor F. Freixanes ofreceu unha intervención titulada "A saúde da lingua e literatura galegas" na que incidiu na importancia de contar coa mocidade para garantir o futuro do idioma. -
A Consellería de Cultura apoia a proxección do sector editorial galego na nova edición deste encontro profesional, que se celebra en Madrid do 4 ao 6 de outubro. A cita, consolidada como primeira mostra dedicada ao libro en lingua española en Europa e como principal centro de negocio e intercambio profesional do sector e con especial atención aos contidos dixitais. -
A orquestra ofrece dúas actuacións de A sonámbula, do compositor italiano Vincenzo Bellini, en versión concerto: o venres 6 no compostelán Auditorio de Galicia, e o domingo 8 de outubro no Teatro Afundación de Vigo. É unha coprodución da Real Filharmonía de Galicia e o Outono Lírico de Amigos da Ópera de Vigo.
