Notas
-
Desde a Xunta de Galicia impúlsase a a Feira do Libro de Santiago de Compostela, a capital de Galicia, como unha oportunidade para a difusión do sector tanto no interior do territorio galego como no exterior, especialmente no ámbito lusófono.
-
O espazo compostelán é a sede central da XV Mostra de Teatro Universitario de Galicia que organiza a Aula de Teatro da USC coa participación de once compañías das tres universidades galegas. O programa esténdese ata o mércores 30 de abril con funcións de entrada gratuíta. -
O conselleiro Vázquez Abad e o presidente da RAG asinaron o acordo de transferencia de dotación de fondos que lle achega neste exercicio á institución 520.000 euros, ao que se incorporan outros 40.000 euros para outros proxectos de promoción, investigación e estudo da lingua galega. -
O Centro Dramático Galego participa nesta coprodución internacional de varias compañías do colectivo Cena Lusófona no ámbito do proxecto P-STAGE. António Augusto Barros dirixe a obra orixinal de Abdulai Sila cun elenco multicultural de 13 actores e actrices procedentes de 6 países de lingua oficial portuguesa. -
A mostra que se exhibe no Museo das Peregrinacións de Santiago de Compostela está integrada por 36 fotografías captadas en 2010 que presentan a esencia do ser humano no Camiño -Ruta Xacobea- e na Catedral. A exposición pode visitarse ata o 6 de xuño. -
A mostra itinerante titulada Manuel Rodríguez López, emigrante galego, poeta obreiro, promovida por GaliciaDixital.com, exhíbese no Museo do Pobo Galego onde foi inaugurada coa presenza do secretario xeral de Cultura e do presidente da Real Academia Galega (RAG). -
O último libro da escritora galega de literatura infantil Fina Casalderrey, Cuca e o abrigo marrón, está ilustrado por Patricia Castelao, editado por Rodeira-Edebé, e presentouse diante de escolares na Biblioteca Ánxel Casal de Santiago de Compostela. O libro narra a historia dunha cadela vagabunda que aprende a confiar no abrigo marrón para manter aos seus cadeliños. -
Bambú Producciones, Ficción Producciones, Filmanova, Formato Producciones, Maruxiña Films Company, Portocabo, Tree Line Distribution e Zenit TV integran a delegación galega que asiste ao MIPTV que se celebra en Cannes (Francia).
-
A Consellería de Cultura celebra o Mes do Libro cun espectáculo baseado nos contos de Andersen, un roteiro sobre Ánxel Fole, ademáis dun obradoiro para gravación de audiolibros infantís ou unha solta de libros. -
O II Cultura no Camiño encádrase na conmemoración do VIII Centenario da Peregrinación de San Francisco de Asís a Compostela, levará 323 actuacións escénicas e musicais a 81 concellos polos que transcorren algunha das rutas do Camiño de Santiago. Inclúe 74 espectáculos de maxia, 60 de música, 29 de novo circo e 160 de teatro.
