Notas
-
No mes das Letras Galegas, achégase unha nova perspectiva sobre as adaptacións literarias a través de nove títulos que se proxectan desde mañá e ata o 24 de maio e entre os que se atopan Arraianos, de Eloy Enciso, e VidaExtra, de Ramiro Ledo.
-
O XI Festival de Cans, que terá lugar do 21 ao 24 de maio, ofrece un programa con 17 curtas e 18 videoclips a concurso e un amplo cartel paralelo con estreas de longametraxes, concertos, coloquios, presentacións e a os 20 anos da eclosión do rock galego. -
Trátase da antesala do San Simón Fiddle, o único campamento de violín tradicional para nenos e nenas de Europa, que se celebrará en xullo na Illa de San Simón. Ademais de concertos, a xira inclúe clases maxistrais e obradoiros para rapaces que están aprendendo a tocar instrumentos de corda. -
O conselleiro de Cultura e Educación destacou a figura de Isaac Díaz Pardo como a dun home “que dedicou a vida a afirmar Galicia como sociedade de futuro”, durante a apertura da mostra A vangarda das formas, que recolle ata o 31 de agosto a obra cerámica do promotor do Castro, Magdalena, Sargadelos e do Laboratorio de Formas. -
O polifacético director madrileño, Gonzalo García-Pelayo, viaxa á Coruña para participar nas sesións do ciclo adicado á súa filmografía, acompañado polo crítico e programador Álvaro Arroba. Proxéctanse 6 longametraxes deste realzador que regresa ao cinema logo de tres décadas de traballo.
-
Os escritores Armando Requeixo e Luís González Tosar achegáronlles a figura e a obra de Xosé María Díaz Castro aos estudantes de secundaria do centro de Bos Aires, nun acto promovido pola Secretaría Xeral de Cultura. Os estudantes tamén tiveron ocasión de coñecer algunha das composicións poéticas do escritor a través da música do grupo Xardín Desordenado.
-
Baixo o título Dionisio Tasende. De homes... e mulleres, a mostra abriuse ao público con 81 imaxes en branco e negro tomadas en Galicia entre 1955 e 1979. Comisariada polo tamén fotógrafo José Caruncho, conforma unha completa retrospectiva do artista coruñés a través dos seus retratos e da captación de escenas cotiás. -
El escritor y colaborador de esta plataforma Manuel Guisande, junto con el fotógrafo Antonio Amboade, presentan en Madrid, el día 28 de abril, a las 19h, en la Casa del Libro (C/ Fuencarral 119) el libro En tu línea. El acto correrá a cargo de la escritora y psicóloga Alejandra Vallejo-Nágera. -
O espectáculo preséntase o sábado 26 de abril no Pazo da Cultura naronés e continúa despois a súa xira na Estrada, A Coruña, Rianxo, Ourense, Vigo, Tui e O Barco. O elenco de Longa viaxe cara a noite, dirixida por Manuel Guede, está composto por Gonzalo Uriarte, Luisa Merelas, Marcos Viéitez e Alberto Rolán que dan vida aos Tyrone, unha familia quebrada polas frustracións e os vicios. -
Máis de 20 editoriais galegas están representadas en 2014 neste evento cultural, que abre as súas portas ao público desde o 24 de abril ata o 12 de maio para promover a presenza do sector editorial galego nos mercados exteriores e na que a figura do poeta Díaz Castro, ao que se lle adica o Día das Letras Galegas, está moi presente.
