Notas
-
Baixo a dirección de Manuel Guede Oliva, os actores Gonzalo Uriarte, Luisa Merelas, Marcos Viéitez e Alberto Rolán dan vida aos Tyrone, unha familia quebrada polas frustracións e os vicios. Longa viaxe cara a noite entra na recta final da súa xira por distintas localidades galegas. -
Roma, ciudad abierta; Paisà; Alemania, año cero; L'amore; Stromboli; La macchina ammazacattivi; Te querré siempre e India, Matri Bhumi son algúns dos títulos restaurados que se exhiben no ciclo que promove a filmoteca galega desde o 21 de maio e ata o 18 de xuño. -
As axudas públicas por importe de 300.000 euros teñen por obxecto apoiar a promoción dos 98 festexos con singularidades que as destacan como Festas de Interese Turístico de Glaicia, e que supoñen un importante reclamo de atracción turística e un incentivo para as economías dos municipios implicados.
-
O concerto Atlántic@s emociona en Micsur á comunidade galega en Mar de Plata e Bos Aires (Arxentina)
Uxía, Rosa Cedrón, Budiño e Narf encheron o Teatro Colón de Mar del Plata e no Teatro Sha de Bos Aires na estrea do seu espectáculo musical, no que mesturaron os sons tradicionais coa fusión contemporánea, no recital enmarcado na Noite Galega no Mercado das Industrias Culturais do Sur. -
Coa estadía nas instalacións do CDG, a formación galega Voadora entra na recta final dos ensaios do texto de Shakespeare, adaptado para a ocasión por Fernando Epelde, que estrea o 5 de xuño en Portugal como montaxe inaugural dos Festivais Gil Vicente de Guimarães. -
Logo de iniciar en Guitiriz o seu percorrido por Galicia o 19 de febreiro, a mostra "Nimbos de luz", en homenaxe ao poeta Xosé María Díaz Castro, pódese visitar na Biblioteca Pública Ánxel Casal do 10 ao 26 de maio, con motivo do Día das Letras Galegas. A mostra itinera por 15 concellos galegos e difunde a vida e a obra do escritor lucense homenaxeado o 17 de maio de 2014. -
Galicia ten unha participación preferente no Mercado de Mar del Plata. Unha delegación de nove empresas de todos os ámbitos culturais acuden cos seus proxectos bilaterais xa en marcha a este foro que aglutina os dez países do Mercosur. -
A nova compañía dos humoristas Fran Campos e Francisco Ameixeiras representa A verdadeira historia de Robinson Crusoe e Venres no Salón Teatro de Compostela os días 10 e 11 de maio. Evaristo Calvo dirixe este espectáculo que, a partir da linguaxe xestual e o enxeño, presenta unha chea de situacións cómicas e orixinais sobre o choque de culturas. -
Enmarcada na rede de dinamización lingüística, esta xincana chegará ás sete localidades que acollerán durante este ano a mostra ‘Nimbos de luz’, coa que a Xunta de Galicia homenaxea o autor guitiricense, e participará nelas alumnado do último ciclo de primaria e de secundaria.
-
Os X Premios Rosalía de Castro, promovidos pola Xunta e o Centro Pen Galicia con carácter bianual, recoñecen o traballo de autores do resto do Estado español e dos sistemas literarios portugués, catalán, éuscaro e hispanoamericano. Entréganse nunha ceremonia na Reitoría da USC.
