Notas
-
No acto institucional promovido pola Fundación Rosalía de Castro, o secretario xeral de Cultura referiuse no espazo común arredor da escritora como “un ben central da nosa cultura” e recordou que “moito do que hoxe somos llo debemos ao que ela nos anticipou”. -
Budiño, Luar na Lubre e Susana Seivane encabezan o cartel musical que se desprega o 25 e 26 de xullo na localidade de Moaña. A Consellería de Cultura e Educación participa en Moaña a presentación do XXX Festival Intercéltico do Morrazo que dá cabida aos novos talentos.
-
Ademais das dirixidas a festivais, este ano publicaranse bases para produción e coprodución audiovisual, desenvolvemento de proxectos e promoción do talento cun novo apartado de longametraxes en galego de directores noveis. As liñas de axuda convocaranse a través da Agadic por un importe total de 2.530.000 euros.
-
A exposición Os Adeuses, que reúne 51 imaxes tomadas polo fotoxornalista coruñés Alberto Martí nas que se reflicte o éxodo galego cara a América, pode visitarse na localidade lusa de Fafe dende o 10 de xullo ata ao 31 de agosto. A Xunta de Galicia participa a través do CGAI co obxectivo de difundir o patrimonio visual de autoría galega.
-
Metagénesix é o título baixo o que se presenta esta mostra que, entre xullo e agosto, ofrece ao público unha selección de obras de 10 estudios de arquitectos galegos nados na década dos 70 que presentan unha concepción e aproximación á arquitectura capaz de dar resposta aos retos actuais da arquitectura global a partir de trazos locais propios.
-
As actividades deste convívio cultural desenvolveranse durante toda a xornada do sábado, 12 de xullo, na Casa Museo Manuel María e na carballeira de Santa Isabel, en Outeiro de Rei.
-
Esta iniciativa ten por finalidade fomentar a condución segura e responsable entre a mocidade galega así como as boas prácticas ao volante a través da campaña Libre. Xuventude chega a 16.000 persoas ao día vía Facebook, Twitter e Tuenti.
-
Máis de 6.000 persoas visitaron esta fin de semana en Agolada o III Encontro da Artesanía Tradicional e Popular de Galicia, organizado por Economía e Industria. Esta iniciativa, pensada tanto para o público xeral como para os profesionais, permitiu abrir novas vías de colaboración e oportunidades de negocio para os artesáns e emprendedores participantes.
-
Cultura e Educación convida a Talabarte, Samuel Diz e Sinestesia para poñerlle música ao Atardecer no Gaiás. O proxecto folk de Quim Fariña, Pedro Pascual e Kin García será o encargado de arrancar o xoves 10 de xullo na praza central da Cidade da Cultura. Samuel Diz homenaxea a Juan José Mantecón co seu Atardecer para guitarra e o sábado 12 é a quenda do rock de Sinestesia. -
Os Vilares, lareira de soños, xa ten decidido a quen se dedica no seu primeiro ano o premio-distinción de TRAPEIRO DE HONRA: Xosé María Díaz Castro, o veciño máis ilustre da parroquia.
