Notas
-
Do 25 ao 28 de xuño, o festival viaxa por vez primeira ata a capital de Galicia con exposicións de artes plásticas e visuais, actividades de artes escénicas, cine, conferencias e experiencias formativas. A Cidade da Cultura, principal escenario dunha cita na que participan persoas con discapacidades, en risco de exclusión social e inmigrantes. -
Agadic apoia a celebración da décimo quinta edición do festival de cultura urbana Arnette O Marisquiño’ que se desenvolve en Vigo entre os próximos días 7 e 9 de agosto, na que se dan cita milleiros de afeccionados e profesionais das distintas disciplinas deportivas, que gozan tamén das diversas propostas culturais, sobre todo concertos musicais, deste evento. -
A Cidade da Cultura convértese na institución cultural galega con maior número de seguidores en redes sociais. O Centro Internacional de Artes Gráficas de Liubliana convida ao Gaiás a The power of new media: Daily Challenges for Cultural Institutions pola súa estratexia dixital e analizar con outros profesionais europeos a relación dos museos e novos medios. -
No acto de entrega do premio a Eva Veiga pola obra "Soño e vértice", tamén se presentou o libro coa obra galardoada na edición de 2014, "O que precede a caída é branco", de Oriana Méndez. O certame conta coa colaboración das secretarías xerais de Política Lingüística e de Cultura e busca favorecer a escrita literaria en lingua galega
-
Filgueira Valverde, homenaxeado coas Letras Galegas 2015, pronunciaba esta conferencia en Radio Lugo no ano 1936 pedindo o voto no nome das Dereitas Galeguistas para o Estatuto de Galicia. O profesor Manuel Regueiro recuperou este documento e o publica en Galiciadixital.com -
A música antiga e barroca son as grandes protagonistas da nova edición do festival, que se celebrará na capital de Galicia do 29 de xuño ao 15 de xullo. A programación, que incorpora outras épocas e xéneros, abrirá co recoñecido compositor e pianista Uri Caine e rematará co ensemble Fuoco E Cenere. -
A sexta edición da Mostra de Cinema Periférico recibe ao director paulista, fundador do movemento Dogma 2002 e máximo representante do Súper 8 no seu país, dentro do ciclo Paraíso do concreto. O debate tamén reúne do 3 ao 7 de xuño en A Coruña aos profesionais galegos con algúns dos programadores dos certames internacionais de cine máis relevantes en Europa e no mundo. -
Na súa recente viaxe á cidade bonaerense, o conselleiro de Cultura, Educación e Ordenación Universitaria, Román Rodríguez, recolleu a testemuña de México DF a Compostela como cidade convidada en 2016. Este convite suporá para Galicia unha grande oportunidade á hora de difundir a obra dos autores e editoriais galegos no exterior. -
A innovadora plataforma web galega propón un novo xeito de xestionar eventos culturais baixo demanda dos usuarios. Preséntase no Salón Teatro da capital de Galicia cun concerto de Jacobo Paz & Dos Mundos que interpretan un adianto do seu segundo traballo discográfico xunto a coñecidos temas anteriores da banda. -
Balor na acción dunha cadeira, título da montaxe que pode verse na sede do CDG, no Salón Teatro da capital galega, reconstrúe a historia de tres emigrantes no Nova York dos anos vinte cunha posta en escena contemporánea. Proxectarase tamén o documental O Piloto, de Xosé Reigosa, arredor da figura do guerrilleiro antifranquista Xosé Luís Castro Veiga.
