Notas
-
O xoves, 10 de marzo, na Galería Sargadelos de Lugo, e o venres, 11 de marzo, no Parador de Vilalba, preséntase o novo libro do avogado lucense e presidente da Cofradía do Capón, Domingo Goás. Logo da publicación de Una aventura europea e Por qué nunca fui de izquierdas, Goás da a coñecer Romualdito y sus confesiones oróticas. -
Fíos Fóra é un documental que “fai un novelo do sector téxtil aquí e fóra, antes e agora”. “As mulleres galegas que traballaron no sector téxtil dende os 60 foron a man de obra perfecta e cautiva”. O reto do concurso Explícoche Matemáticas 2.0 pasa por elaborar curtametraxes de 2 minutos explicando en galego un concepto matemático. -
Normalización Lingüística da Facultade de Humanidades convoca o I Concurso de microrrelatos en galego dirixido ao alumnado da USC. Os microrrelatos, dunha extensión máxima de 100 palabras, presentaranse no perfil de Facebook da Facultade de Humanidades ata o 1 de abril de 2016 xunto co cancelo #MicrorrelatosHumanidades2016. -
José Raúl Clavero Blázquez, gañador Premio Literario Camilo José Cela 2015 pola obra ‘Ausencias’ –da que o xurado valorou “o interese do tema, a creación dunha tensión narrativa e o valor cinematográfico da historia”–, recibiu o premio no marco deste acto celebrado en Padrón, onde tamén tivo lugar a conferencia Cela e Galicia. -
O sábado 5 de marzo, ás 21:00h, represéntase na Sala Capitol de Santiago de Compostela, o espectáculo Galadas, con motivo do Día Internacional da Muller. Trátase dunha acción multidisciplinar dirixida pola artista Mercedes Peón en colaboración con diferentes mulleres de diversas disciplinas artísticas. -
A esta Biblioteca Dixital Galega pode accederse a través da páxina principal de www.galiciadigital.com, onde van aparecendo de xeito aleatorio todos os títulos incluidos ou que se vaian incorporando a esta publicación electrónica dentro desta plataforma en Internet. -
O Salón Teatro da Consellería de Cultura e Educación acolleu a presentación dos espectáculos e profesionais finalistas aos XX Premios María Casares, que se entregan o 30 de marzo no Teatro Rosalía Castro da Coruña. Un total de 14 espectáculos acadaron algunha candidatura nos 14 apartados nos que se dividen estes galardóns.
-
Presentouse a axenda cultural do Concello de Santiago para marzo de 2016 en que se programa o 30 aniversario de Matarile Teatro, a entrega dos Premios do Auditorio de Galicia e estrea da exposición dos seleccionados, o novo espectáculo de Producións Excéntricas e os concertos de Diego El Cigala e Ses. -
A directora berlinesa participa na Coruña o 4 e 5 de marzo como parte do ciclo organizado en colaboración co Festival de Cine Europeo de Sevilla e La Casa Encendida. O CGAI ofrece especiais sobre creadoras galegas, Charles Burnett, a historia da animación española, a actriz María Casares e Renoir. -
O 4º Festival de Cine remata o 26 de marzo na Casa da Cultura de Alfoz ás 19 horas coa proxección de “A Esmorga”, unha drama de 2014 dirixido por Ignacio Vilar, baseada na obra de Blanco Amor. Na proxección estará presente o referido director.
