Notas
-
Este encontro de Michigan congrega ata o 23 de abril preto de 200 galicianistas. Este encontro de Michigan dalle continuidade ao primeiro simposio celebrado na Universidade de Wisconsin-Milwaukee en maio de 2014, e que foi impulsado polo Grupo de Investigación de Estudos Galegos. -
A Fundación Manuel María convida ás galegas e galegos a que asistan nas súas localidades a esta homenaxe pública, popular e literaria a Manuel María. Ademáis, para os que non podan asistir presencialmente, a Fundación os convida a participar enviando un vídeo de elaboración propia a través de http://www.casamuseomanuelmaria.gal/manuel-maria-na-tua-voz/subir-video.htm. -
Santiago de Compostela é a cidade convidada da 42ª edición da Feira do Libro de Bos Aires (Arxentina) na que participan máis de 20 países e cada edición recibe máis de un millón de visitas. Con este motivo, o concello presenta un catálogo de actividades entre as que figuran a presentación de Compostela Colateral e do Mapa Literario de Santiago, según presentou o alcalde Martiño Noriega. -
A Xunta e a fundación que custodia o legado do poeta ao que se lle dedica este ano o Día das Letras Galegas colaboran en diversas actividades co fin de poñer en valor a súa figura e estudar e divulgar a súa obra. O conselleiro de Cultura avanzou a posta en marcha dun conxunto de iniciativas para renderlle tributo ao autor chairego, que complementarán as previstas pola Fundación Manuel María. -
O presidente do goberno provincial de Ourense visitou en San Xoán de Río a “Casa das Rodas”, “berce do futuro “Museo da Roda de Afiar” que a Deputación porá en marcha en 2017, tal e como figura no Plan Ourense 15-19”, confirmou Baltar, quen dixo: “Florencio de Arboiro mantén viva a identidade ourensá”. -
A montaxe estréase en Cerceda coa función programada no Auditorio Municipal da localidade coruñesa. A compañía de María Torres e Gonçalo Guerreiro culmina dous meses de residencia artística neste espazo e unha campaña escolar para o alumnado do concello.A danza da choiva divulga os efectos do cambio climático. -
A través desta adxudicación apóiase o labor de difusión destes seis certames en xéneros e formatos como o documental, as curtametraxes, o cinema independente ou o fantástico. Esta liña de axudas dotouse con 105.000 euros, incrementando nun 16% o seu orzamento respecto á anterior convocatoria. -
Elena Tarrats, Mario G. Cortizo e Federico Mosquera presentan Cantos de poeta, libro-disco no que musican os versos de autores como Curros, Rosalía, Celso Emilio, Manuel Antonio ou Chus Pato O disco, que sairá á venda o próximo sábado 23 de abril, inclúe o tema ‘Zocas’, con texto de Manuel María. -
O ciclo, que se desenvolve do 16 de abril ao 30 de setembro, contribúe á descentralización da oferta cultural galega, ao tempo que amplía a distribución dos espectáculos de teatro, música, danza, novo circo e maxia producidos en Galicia. Preséntase a nova entrega do programa cultural de 2016. -
Investigar sobre as formas de creación que se dan nos círculos de mulleres é o eixo do proxecto experimental colaborativo Mulleres en Círculo que, iniciado pola ourensana Reme Remedios en 2014 con motivo do Festival Miradas de Mujeres e comisariada por Clara Rodríguez Cordeiro, chega ao seu fin na Igrexa da Universidade de Santiago de Compostela.
