Eugenio Cabaleiro Álvarez, naceu en Redondela en 1934. Actualmente reside en Vigo.
Sempre sentíu grande sensibilidade pola arte, especialmente pola pintura, pero tivo que empezar a traballar moi novo, por motivos de economía familiar, foi a partir da súa prexubilación ós 58 anos que puido...
Lombao, Indalecio
General
Indalecio Lombao Gómez naceu o 3 de maio de 1920 en Bonxe, Outeiro de Rei (Lugo).
Fillo de Domingo Lombao Varela e Josefa Gómez Parga, aprendeu os oficios de oleiro e músico, oficios tradicionais de Bonxe, o seu pobo natal. Participou na Guerra Civil e estivo na Batalla do Ebro. Unha vez finalizada, regresou a Oviedo e formou parte da banda militar. Posteriormente, volveu a Bonxe e seguiu cos oficios de oleiro e músico, coñecendo nesta época á que sería a súa muller. A súa filla, Josefa Lombao Ferro, continúa coa tradición oleira.
Ademais de ter formado parte da banda militar, tamén traballou en varias orquestras.
No ámbito da oleiría contaba con moitos anos de experiencia e unha amplísima obra.
Posuía a carta de mestre artesán e a súa familia é a única dedicada á cerámica tradicional de Bonxe.
Bonxe é un pobo de profunda tradición oleira que tivo o seu maior auxe na etapa na que traballaban na oleiría cincuenta e seis dos sesenta veciños.
