Notas
-
Manane Rodríguez, Inés París, Patricia Ferreira, e Chelo Loureiro, presentaron a delegación galega de CIMA, que defende unha sociedade máis igualitaria e diversa e a igualdade de oportunidades no cine e o audiovisual.
-
Co gallo da celebración do Día das Letras Galegas 2009 El Corte Inglés de Galicia, en colaboración con Ámbito Cultural El Corte Inglés, convoca este concurso dirixido aos alumnos de entre 12 e 18 anos matriculados no ensino secundario galego.
-
A rúa Ordóñez de Tui vai acoller dende o venres 1 de maio, e ate o domingo 3, a XIII Feira de Artesanía organizada pola Concellería de Cultura de Tui coa colaboración da Asociación de Palilleiras do Baixo Miño. Participan artesáns tanto galegos, coma de Portugal ou mesmo de Puebla de Sanabria.
-
O novo traballo audiovisual da Asociación de Gaiteiros Galegos, Trece Lúas, xa está á venda: componse dun libro-CD-DVD que convida a facer unha viaxe no tempo ao longo dun ano e onde cada mes asóciase a unha canción.
-
A Adega Rosalía de Castro repartirá con motivo da celebración do Día do Libro centos de botellas do seu albariño Rosalía de Castro nas principais librerías galegas nun exemplo de bo maridaxe entre o viño e a literatura.
-
Ferrol inaugurará en outono a súa Casa Solidaria, máis de 1.000 metros cadrados reservados para a Oficina Municipal de Voluntariado, a atención a inmigrantes e o uso daquelas entidades e asociacións que carecen de local propio e traballan no eido da cooperación, o voluntariado e a solidariedade.
-
Do 21 abril ao 5 de maio o colectivo galego “Pallasos en Rebeldía” levará o espírito da risa e do clown a Palestina. Iván Prado e Isaac Rodríguez Miranda embárcanse nesta viaxe de fraternidade humana a través do riso tamén cun outro obxectivo e igualmente importante como é o de dar apoio ao pobo palestino.
-
A Concellería de Educación do Concello de Ourense organiza o venres 17 de abril, ás 11:00 horas, no CEIP Albino Núñez a Xuntanza Intercultural "Quero coñecerte", que ten como obxectivo fomentar a integración dos alumnos inmigrantes e o coñecemento da cultura dos seus paises de orixe.
-
A xornalista catalá Rosa María Calaf foi proclamada gañadora do V Premio José Couso de Liberdade de Prensa, que organizan o Colexio Profesional de Xornalistas de Galicia (CPXG), o Club de Prensa de Ferrol e Caixanova.
-
Ven de presentarse en Santiago a Rede Virtual do Patrimonio Artístico e Cultural dos centros e asociacións galegas máis importantes da diáspora galega, catálogo virtual que se pode consultar na web da Secretaría Xeral de Emigración (www.galiciaaberta.com). Alí os usuarios atoparán fotografías, vídeos e documentos de doce centros e asociacións de Brasil, Arxentina, Uruguai, Portugal e España.