Notas
-
A Consellería de Cultura e Turismo e a Asociación Amigos da Ópera da Coruña forman unha Comisión Mixta para o correcto funcionamento do convenio asinado por importe de 320.000 euros.
-
A Rede Galega de Teatros e Auditorios e a Rede de Salas acollerán 419 representacións de teatro, monicreques, música e danza no último cuadrimestre de 2009. Setenta grupos de todos os estilos musicais actuarán en 37 dos locais que integran a Rede Galega de Música ao Vivo.
-
O conselleiro de Cultura e Turismo, Roberto Varela, a secretaria xeral para o Turismo, Carmen Pardo, e o director-xerente da S.A. de Xestión do Plan Xacobeo, Ignacio Santos, analizaron cos alcaldes dos concellos polos que discorre o Camiño Inglés as liñas de traballo da Consellería para a súa posta en valor no referido á recuperación e conservación da ruta, á súa sinalización e á rehabilitación e ampliación da rede de albergues.
-
O documental Mulleres da raia, da tudense Diana Gonçalves, propón ao longo de 42 minutos unha viaxe ás fronteiras do Norte de Portugal e de Galicia, fixándose no contrabando local e a emigración clandestina.
-
O certame de Novos Valores da edición deste ano conta con 11 fotografías, 8 pinturas, 7 esculturas, 7 vídeos, 4 debuxos e dous gravados que se poden ver ata o 13 de setembro no Museo de Pontevedra. A mostra ten como obxectivo a promoción dos novos creadores galegos.
-
A obra, escrita por Mariana Vicat, recolle a biografía deste emigrante galego e os beneficios da súa venda doaranse a UNICEF. O evento celebrouse no Centro Lalín, Agolada e Silleda da capital arxentina (Buenos Aires).
-
O director xeral do Patrimonio Cultural avanzou en Vimianzo as liñas estratéxicas do Parque Arqueolóxico do Megalítico da Costa da Morte co seu plan de actuación no que se contemplan 14 áreas de acción distribuídas entre 8 concellos da zona.
-
No encontro do Comité Internacional de Expertos do Camiño de Santiago anunciouse a creación dun centro compilatorio do saber sobre o culto e a cultura xacobea. Os fondos depositaranse na Biblioteca da Cidade da Cultura.
-
O Proxecto Toponimia de Galicia, posto en marcha no ano 2000 como un proceso complementario ao Nomenclátor de Galicia, aborda a recuperación do que se vén chamando microtoponimia (terras de cultivo, cursos de auga, outeiros ou montes).
-
O catedrático da Universidade Complutense de Madrid, Pérez-Agote, di que case a metade dos mozos españois decláranse ateos, indiferentes ou agnósticos e di que España está perdendo as súas raíces católicas.