Notas
-
O festival Internacional de Música Avanzada e Arte Multimedia celébrase en ExpoCoruña o 17, 18 e 19 de xuño, os mesmos días que en Barcelona, un feito que acontece por primeira vez no Sónar.
-
A obra Buscando a Hillary está incluída no Programa para as Mulleres con motivo do 8 de marzo, que tamén ten unha parte de iteración co público que poderá expresar os seus sentimentos. Igualdade e a Fundación Caixa Galicia asinaron un convenio de colaboración para realizar accións de sensibilización.
-
O conselleiro de Cultura e Turismo entrega o Premio Laxeiro 2010 a Xosé Neira Vilas ao que califica de "referente literario, intelectual e, sobre todo, humano" e do que destaca as súas afinidades con José Otero Abeledo -Laxeiro- con que comparte o don de transmitir a tradición cultural dun xeito aparentemente simple.
-
O Xacobeo 2010 recolle no Camiño Contemporáneo os proxectos expositivos máis vangardistas, entre os que figuran mostras como Pierre Gonnord. Terre de personne e Regreso ás orixes. Xerusalén, Roma, Santiago.
-
A S.A. de Xestión do Xacobeo promove esta iniciativa que levará as actuacións da Orquestra Panorama, que empezou a actuar o 25 de decembro de 1978, a máis de 200 vilas galegas durante todo o Ano Santo 2010. A xira arranca o 12 de marzo en Bembribre.
-
Trátase dunha actividade coa que o Xacobeo Classics rende homenaxe ao decano dos compositores galegos Roxelio Groba, no seu oitenta aniversario, levando por oito vilas galegas a súa música.
-
A publicación musical do gaiteiro Marco Foxo recolle tradición, etnografía e músicas de Ourense, nunha viaxe pola evolución da música da terra desde o século XIII ata a actualidade.
-
Paco Pestana é feliz. Despois de trinta anos percorrendo o mundo, empapándose de experiencia e de bos e malos consellos, este singular artista chega ao Centro Cultural de Ourense cunha obra excéntrica, complexa e ao mesmo tempo chea das xenialidades que só un creador xeneroso coa creatividade pode ofrecer.
-
O músico californiano presenta Mr. Lucky e interpreta en Ourense varios dos éxitos do seu repertorio. A cantante coruñesa promociona o seu novo disco, La Pasión, unha homenaxe ao bolero latinoamericano de mediados de século. Dentro da programación do Camiño da Música, Fito y los Fitipaldis fará vibrar a Galicia co seu último disco e algúns dos seus éxitos inmortais.
-
Rubens, un dos pintores barrocos máis significativos da escola flamenca, creou un importante obradoiro formado cos mellores pintores da época seguindo a tradición iniciada no XV por artistas como Durero. A mostra inaugúrase o xoves 18.