Notas
-
O traballo discográfico do tudense Samuel Diz, editado polo selo Ouvirmos, preséntase no auditorio do Museo do Mar de Galicia o venres 14 de decembro ás 19:00 horas, nun formato de charla-concerto. O proxecto ofrece unha viaxe musical pola tradición guitarrística galega.
-
Especialistas de Galicia, Asturias, Castela e León, País Vasco e Portugal reúnense en Lugo os días 15 e 16 de decembro arredor da I Xornada sobre Música Tradicional promovida pola Asociación de Gaiteiros Galegos en colaboración coa Xunta. -
Celebrouse o último dos que relatorios que, ao longo do mes de novembro, afondaron no proceso renovador da arte galega no século XX. O ciclo desenvolveuse na Facultade de Xeografía e Historia da Universidade de Santiago de Compostela promovido pola Fundación Laxeiro e nel ofreceuse unha perspectiva transversal sobre varios pintores.
-
Un total de 72 das 126 actuacións de teatro, danza, música, maxia e novo circo que se celebran durante este mes están especialmente dirixidas aos rapaces. A Rede Galega de Música ao Vivo con 58 concertos e a Rede Galega de Salas con 33 funcións completan a oferta mensual dos circuítos que xestiona a Agadic. -
A Rede Museística conta agora con guías dos catro museos elaboradas en Braille e tamén en pictogramas. Inaugurouse tamén unha mostra de monicreques e marionetas de Pedro Lavado, quen participou nunha mesa redonda con persoas con capacidades diferentes. -
O expositor de Galicia presentou desde o 24 de novembro ata hoxe as novidades da industria da edición galega, coa presenza de 12 editoriais que pretenden impulsar a competitividade da literatura galega no mercado exterior, de apoiar os creadores e de fomentar a innovación á hora de editar, distribuír e promover o libro e a literatura galega fóra das nosas fronteiras.
-
Coincidindo co 40º aniversario do Convención do Patrimonio Mundial da UNESCO, o Grupo Cidades Patromonio de la Humanidad de España presentou a gastronomia local das súas 13 cidades coa exposición e cata dos seus produtos máis representativos. -
As compañías Produtora Cinematográfica Galega, Xamalú Films, TV Siete, Formateo S.L. e Ficción Producciones establecerán contactos cara a coproducións, novos formatos de traballo e comercialización no mercado Ventana Sur de Buenos Aires, que fomenta a proxección do audiovisual galego en Latinoamérica.
-
O aniversario da publicación de Cantares Gallegos, a celebración do Día do Libro e do Día das Letras Galegas ou o centenario de Francisco Fernández del Riego, entre as conmemoracións difundidas nas láminas do calendario. -
A mostra fotográfica reúne corenta imaxes que recollen momentos íntimos entre nais e fillos, acompañadas de textos e poemas de recoñecidos autores galegos. Pel con pel permanece instalada ata o día 30 de novembro no Pavillón 4 do Centro de Artesanía e Deseño.
