O sector editorial galego, na Feira Internacional do Libro de Guadalajara
As empresas editoriais galegas presentaron as súas novidades no marco da Feira Internacional do Libro de Guadalajara (México) co apoio da Consellería de Cultura, Educación e Ordenación Universitaria.
A Xunta de Galicia e a Asociación Galega de Editores (AGE) participaron, desde o pasado 24 de novembro ata hoxe, neste encontro de referencia internacional no mundo do libro cun stand que serviu de escaparate para amosar a produción editorial dun total de 12 empresas: Editorial Linteo, Editorial Ideas Propias, Kalandraka Editora, Biblos Clube de Lectores, Ediciones del Viento, Alvarellos Editora, OQO Editora, Everest Galicia, Editorial El Patito, Editorial Galaxia, Edicións Xerais de Galicia e MCSport.
Esta participación na Feira do Libro de Guadalajara enmárcase no apoio da Secretaría Xeral de Cultura á proxección exterior do sector editorial galego, unha liña na que tamén se inclúe a participación na Feira Internacional do Libro Infantil de Boloña, en marzo de 2012, e na Feira Internacional de Bos Aires, o pasado mes de abril.
Coa presenza de Galicia nas citas esenciais para o sector editorial o obxectivo da Consellería é impulsar a competitividade da literatura galega no mercado exterior, de apoiar os creadores e de fomentar a innovación á hora de editar, distribuír e promover o libro e a literatura galega fóra das nosas fronteiras.
Oportunidade comercial
Coa súa participación nas feiras internacionais do libro, os profesionais do sector teñen a oportunidade de estreitar lazos e de favorecer acordos comerciais con editores e distribuidores de numerosos países americanos. Na pasada edición de 2011 pasaron pola Feira Internacional do Libro de Guadalajara 659.898 persoas, 1.935 editoriais de 43 países, 17.800 profesionais do sector e 188 axentes literarios.
No que atinxe ao público xeral, constatouse o peso das comunidades galegas do exterior. De feito, o expositor de Galicia recibiu numerosas visitas de descendentes de galegos na diáspora, interesados en coñecer de primeira man a produción editorial da terra dos seus pais e avós.
A Xunta de Galicia e a Asociación Galega de Editores (AGE) participaron, desde o pasado 24 de novembro ata hoxe, neste encontro de referencia internacional no mundo do libro cun stand que serviu de escaparate para amosar a produción editorial dun total de 12 empresas: Editorial Linteo, Editorial Ideas Propias, Kalandraka Editora, Biblos Clube de Lectores, Ediciones del Viento, Alvarellos Editora, OQO Editora, Everest Galicia, Editorial El Patito, Editorial Galaxia, Edicións Xerais de Galicia e MCSport.
Esta participación na Feira do Libro de Guadalajara enmárcase no apoio da Secretaría Xeral de Cultura á proxección exterior do sector editorial galego, unha liña na que tamén se inclúe a participación na Feira Internacional do Libro Infantil de Boloña, en marzo de 2012, e na Feira Internacional de Bos Aires, o pasado mes de abril.
Coa presenza de Galicia nas citas esenciais para o sector editorial o obxectivo da Consellería é impulsar a competitividade da literatura galega no mercado exterior, de apoiar os creadores e de fomentar a innovación á hora de editar, distribuír e promover o libro e a literatura galega fóra das nosas fronteiras.
Oportunidade comercial
Coa súa participación nas feiras internacionais do libro, os profesionais do sector teñen a oportunidade de estreitar lazos e de favorecer acordos comerciais con editores e distribuidores de numerosos países americanos. Na pasada edición de 2011 pasaron pola Feira Internacional do Libro de Guadalajara 659.898 persoas, 1.935 editoriais de 43 países, 17.800 profesionais do sector e 188 axentes literarios.
No que atinxe ao público xeral, constatouse o peso das comunidades galegas do exterior. De feito, o expositor de Galicia recibiu numerosas visitas de descendentes de galegos na diáspora, interesados en coñecer de primeira man a produción editorial da terra dos seus pais e avós.
Gabinete de Comunicación da Xunta de Galicia
