Notas
-
Films from Galicia e Shorts from Galicia contan con novos catálogos e vídeos promocionais para a difusión exterior da produción galega de cinema e televisión, que inclúe títulos en distribución, produción ou en proxecto, en misións comerciais nas principais citas do sector en Alemaña, Arxentina e Francia. -
O alcalde presentou Compostela é Música, un proxecto impulsado pola sección local da asociación Músicos ao Vivo e que conta co apoio do Concello de Santiago. A plataforma online pretende cartografar a escena musical da capital galega. Tamén se busca que "fagan piña na cidade e que teñan máis oportunidades para mostrar o seu talento". -
Valentín García inaugurou este foro de encontro e de debate arredor do protagonismo feminino nos textos literarios e non literarios do medievo que acolle o Centro Ramón Piñeiro durante tres días. Congrega máis de 100 participantes e 67 especialistas de referencia no ámbito internacional. -
Arranca o ciclo dedicado a este realizador, gañador do Leopardo de Ouro de Locarno por "Cavalo dinheiro" e autor dunha filmografía que se caracteriza por construír as fitas durante a rodaxe e levar aos extremos as posibilidades das cámaras dixitais, dando pé a unha linguaxe que o converteu en referencia de importancia internacional. -
Tal e como sinalaron as actrices Tamara Canosa e Mercedes Castro, a obra sitúa aos cinco personaxes atrapados nun vagón do metro londinense. "Fala de obrigarse a parar e mirar, nun mundo que vai a velocidade de metro", indicou Canosa, que salientou que a produción chega á cidade despois de encher os teatros en Santiago e Vigo. -
Un domingo 2 de marzo de 1856 viviríase un feito insólito: un banquete democrático onde brindaron xuntos, pola liberdade e a fraternidade, estudantes e obreiros. De aquí xurdiría a xeración que logo ía impulsar o Rexurdimento galego. Este libro publícase 160 anos e medio despois da celebración histórica en Compostela. -
"Non crin nos Reis Magos ata os 70 anos" é o título do traballo de Xosé Manuel Carballo, publicado na sección de Opinión de Galciadigital que lle valeu o Premio Begonte de Xornalismo na XLI edición. -
A directora da Amtega e os presidentes dos Clústers inauguraron o DICO Summit 2017, o 1º evento internacional sobre contidos dixitais que se celebra en Galicia. O hipersector TIC galego concentra máis de 3.200 empresas, dá emprego a preto de 20.000 persoas e achega o 2,3% do PIB. -
Esta cita cultural, coa que colaboran a Deputación de Ourense e a Xunta de Galicia a través da AGADIC, desenvolverase do 3 ao 12 marzo, cun programa de sete concertos. -
“Un plan pensado como unha ferramenta de traballo imprescindible que permita fixar unhas bases de planificación a medio prazo do futuro cultural de Galicia”, di, incidindo en que a Cultura é o crisol do pasado e o futuro, “unha creación colectiva feita por todos e para todos”, dixo Feijóo na entrega dos Premios da Cultura Galega 2016.
