Notas
-
O festival presentou a programación que desenvolverá do 31 de maio ao 4 de xuño na Coruña, co apoio da Consellería de Cultura a través dunha subvención da Agadic e da colaboración do CGAI. O clásico do cine mudo ‘Fausto’, sonorizado en directo pola Orquestra Sinfónica de Galicia, abrirá o encontro que inclúe creacións galegas en Sinais. -
Trátase da biografía sobre o protagonista do Día das Letras Galegas de 2017 que asina outro escritor limiao, Antón Riveiro Coello. Con este libro, o autor espera animar o público a profundar na obra que escribiu quen foi "un dos escritores que máis influencia deixou na sociedade nos últimos 40 anos". -
Traducida por Jacob Rogers, ‘His Excellency’ forma parte do proxecto editorial Galician Classics, da Consellería de Cultura e Small Stations Press, que xa conta con sete libros de autores como Cunqueiro, Rosalía e Celso Emilio Ferreiro. A semana das Letras Galegas inclúe a exposición ‘Casares: arte e pensamento para Galicia’. -
A sesión, de entrada libre e de balde, comeza o luns 15 de maio ás 19.30 horas, no salón de actos da Facultade de Humanidades onde se proxecta en versión orixinal ‘Judex’, un filme dirixido en 1963 por Georges Franju. O ciclo de cinema negro francés é unha actividade promovida e organizada pola sección de francés do CLM no campus de Lugo e tiulado Á marxe. -
O titular do Goberno galego destaca a importancia deste estudo para cumprir co principal cometido do futuro Plan de dinamización da lingua galega entre a mocidade: incrementar o uso do idioma na xente nova, para o que achegará 240.000 euros durante os anos 2017 e 2018 para completar traballos de investigación en marcha e desenvolver outros novos. -
Os rapaces poderán coñecer un pouco máis polo miúdo a figura do autor ourensán divertíndose cunha morea de actividades programadas ao longo do mes de maio. A Biblioteca Pública Ánxel Casal de Santiago organiza o Concurso de Carteis para nenos e nenas de entre tres e trece anos, na sétima edición. -
Teresa Moure, Carlos Quiroga, Laura Camino, Gisella Costas, José Carlos Cómitre, Olalla Cociña e Antón Lopo, son algunhas das voces que participan neste evento que se pode seguir en directo por USC TV e forman parte das actividades de colaboración entre a Facultade de Filoloxía e o proxecto CampUSCulturae. -
O premio do público, un galardón que non conta con dotación económica, pero que, do mesmo xeito que o premio outorgado polo xurado, si que permite a participación da curta seleccionada na fase de competición da próxima edición da Semana Internacional de Cine de Autor, foi para o equipo 7Sentidxs Films, coa curtametraxe Zombiraxe. -
Destacan a estrea de ‘Contando a Carlos Casares’, de Gonzalo E. Veloso, a véspera do Día das Letras Galegas e a proxección de ‘Mimosas’, de Oliver Laxe, quen ofrecerá un curso arredor da película. -
O Colexio de Fonseca acubilla do 8 de maio e ata o 30 de xuño a exposición ‘Ovidius vivit!: mitos, imaxes e libros’. Mostra a través das imaxes dos libros ilustrados a gran repercusión da obra mitolóxica do poeta romano Publio Ovidio Nasón, de cuxa morte se celebra este ano o bimilenario. ‘Ovidius vivit!’ é unha produción da Área de Cultura da USC en colaboración coa Xunta.
