Pasar al contenido principal

Rivas Pol, Antonio

General

Antonio Rivas Pol naceu en maio do 1948, en Xudán, A Pontenova (Lugo).  
 
FORMACIÓN
Estuda a carreira de Maxisterio en Lugo, que exercerá ó longo da súa vida profesional en diversos lugares: Chantada (Lugo), Caborana (Asturias) e Ferrol, lugar no que reside na actualidade.  
 
PERCORRIDO PICTÓRICO
Dende sempre sentíu a necesidade de expresarse por medio do debuxo e a pintura, área que impartía ós seus alumnos/as, e na que se especializou por mor dunha maior formación, con cursos oficiais ou con aportación de expertos en temas que consideraba importantes. Foi así como coñeceu ó acuarelista asturiano, Sellaño; a quen invita ás súas clases de plástica coa finalidade de avezar ó alumnado nesta técnica tan esvaediza.
Aínda que os seus comezos foron óleos, a partir da amistade con este acuarelista foise pasando gradualmente ó mundo da acuarela en exclusividade. Conversas, lecturas, visitas a exposicións e moito papel roto, son os métodos de traballo de Antonio Rivas, pintor autodidacta. Sempre cre no camiño persoal de cada artista como seña de formación, atopando na paisaxe un mundo inesgotable de aprendizaxe e inspiración.  
 
EXPOSICIÓNS INDIVIDUAIS
1990. Caixa de Aforros de Galicia, Ferrol (A Coruña).
1991. Banco Galego, Lugo.
1993. Casino Ferrolán, Ferrol.
1994. Banco Galego, Lugo.
1996. Casino Ferrolán, Ferrol.
1997. Concello de Pontedeume, Pontedeume (A Coruña).
1999. Ateneo Ferrolán, Ferrol.
2002. Casino de Ares (A Coruña).
2003. Real Coro Toxos e Flores, Ferrol.
2003. Casino Aresano, Ares (A Coruña)
2006. Real Coro Toxos e Flores, Ferrol.
2010. Casino de Ares (A coruña)
 
EXPOSICIÓNS COLECTIVAS
1991. Feitura 91. Ateneo Ferrolán, Ferrol (A Coruña).
1992. Feitura 92. Ateneo Ferrolán, Ferrol.
1993. Feitura 93. Ateneo Ferrolán, Ferrol. Arte para unha Navidade 93. Galería Arte Galicia, Ferrol.
1994. Ares 94. Casino de Ares (A Coruña).
1999. Acuarela 2000. Casino Ferrolán, Ferrol. Certame de Pintura “Premio Almirante 1999”. Centro Cultural da Armada, Ferrol.
2005. “7 artistas Ferrolanos” na Sala Áncora, Cedeira (A Coruña). Exposición de pintura-escultura “Artistas de Ferrol” Centro Comarcal da Mariña Occidental, Viveiro (Lugo). II Exposición Pequeño Formato. Ateneo Ferrolán, Ferrol.
 

Críticas

Representación da Paisaxe Galega

Non poderían ser estas acuarelas de ningún outro lugar, máis que do noso  habitat galego, porque nelas están representados os espazos e lugares concretos, reais ou recreados. Aínda que Antonio Rivas Pol pintase dende outro emprazamento, outras paisaxes, nelas estarían presentes tamén, as nosas pucharcas, os nosos ceos, as nosas árbores...porque o home é tamén a súa casa e a súa localidade, que enmarcaron o acontecer sucesivo, no que aprendeu a percibir, a sentir,  a intuír, a mirar para abrirse espazos.

Autor de la crítica: 
Elia Rico Lagarón (Maio 2006)

Galerías

Galería 2

    Galería