Notas
-
Sexo? Por que non? é unha divertida comedia interpretada por Mercedes Castro na que se amosan situacións cotiás en torno ao encontro carnal. A oferta de espectáculos de maio no Salón Tetro de Compostela inclúe os recitais de Vashti Bunyan e Lorena Lores.
-
O Foro E. Peinador asinará coa Universidade da Coruña un convenio para celebrar o 110º aniversario do nacemento do investigador e empresario Isidro Parga Pondal.
-
Catro décadas despois dos movementos estudantís do ano 68 en Compostela, a USC tributou un simbólico recoñecemento a un grupo de estudantes da época, entregándolle un novo expediente universitario sen anotacións ou referencias que non foran estritamente académicas ou persoais.
-
A Deputación Provincial de Lugo afirma que a recuperación e distribución dos primeiros exemplares da Letanía de Galicia, publicado en 1972, fan parte da contribución ao recoñecemento do Día das Letras Galegas a Novoneyra.
-
Para a Xunta de Galicia, a mostra da Feira Internacional do Libro de Bos Aires é unha pequena testemuña decisiva para achegarse ao universo intelectual e vital dun pintor de mirada cosmopolita como foi Luís Seoane. Bos Aires acolle 33 escritores vistos por Seoane.
-
O Arcebispado de Santiago de Compostela amosa o seu interese pola utilización da lingua galega na súa actividade eclesial, especialmente neste Ano Santo 2010 e de xeito concreto na Misa do Peregrino ou na páxina web. Así compartirase cos peregrinos de fóra de Galicia unha das maiores riquezas da comunidade.
-
O premio en Investigación e Ensaio recaeu en Pablo Carpinteiro por Os instrumentos musicais na tradición galega. Os premios entréganse o 12 de xuño no Pazo da Familia Losada en Moldes.
-
Esta iniciativa ofrece unha mostra do que ocorre no panorama audiovisual galego co obxectivo de promocionar un sector estratéxico, ademais de impulsar as producións e artistas autóctonos e foráneos.
-
O padroado da Fundación do Pedrón de Ouro, en reunión celebrada na casa da Curiscada de Arzúa, acordou recoñecer a exemplar traxectoria vital e conceder o “Pedrón de Ouro 2010" ao enxeñeiro, economista e político nacionalista Camilo Nogueira.
-
Trátase do proxecto Glossa, que presentaron o director territorial de Telefónica en Galicia e Asturias e o responsable de Política Lingüística. A secretaría xeral e a compañía de telecomunicacións tamén anunciaron un convenio de colaboración que contribúa a promover o uso do galego nos servizos que ofrece Telefónica.