Notas
-
O Concello de Compostela marcouse o obxectivo de "relanzar o Premio Manuel Beiras, darlle maior visibilidade e conseguir que a súa imaxe sexa recoñecible na cidade". Para iso, vaise poñer en marcha unha campaña de divulgación, con mupis, carteis e vídeos para a difusión en redes, que tratará de crear intriga ao redor do certame. -
A Biblioteca Miguel González Garcés da Coruña exhibe ata o 27 de novembro a obra deste esquecido debuxante lucense, considerado o patriarca da caricatura arxentina. Colabora con Cultura o Club de Prensa de Ferrol nun ciclo de conferencias impartidas por Siro López, para recuperar o legado do artista e difundilo entre a cidadanía. -
O documental e a vangarda en Cuba, o esperpento no cinema español e a primeira parte do especial dedicado a Jim Jarmusch son outros dos ciclos que poderán verse ata finais de ano na filmoteca galega. As súas fitas abren a carteleira bimestral do ano na sede do CGAI. -
O conselleiro de Cultura participou nos actos celebrados en Santiago para conmemorar o 150 aniversario do nacemento do escritor. Co gallo deste sesquicentenario, organízase un programa de actividades en colaboración coas entidades e organismos vinculados ao dramaturgo. Vilanova de Arousa e A Pobra do Caramiñal tamén organizan varios actos. -
Valentín García abriu a xornada de presentación do programa aos equipos de dinamización da lingua galega dos centros educativos participantes. Trátase de fomentar entre o alumnado de educación secundaria a consciencia da diversidade lingüística e a erradicar os prexuízos a respecto do galego. -
A Agadic e o ICA luso promoven o II foro bilateral no Centro Cultural Marcos Valcárcel de Ourense, dentro do programa de actividades paralelas do OUFF. Durante o evento desenvolveranse 44 xuntanzas personalizadas na procura de socios cara a materialización de máis de 25 novos proxectos cinematográficos e televisivos. -
O Consorcio de Santiago colabora con 22.000 euros co IES Arcebispo Xelmírez I na restauración dos fondos bibliográficos da biblioteca antiga do centro, dun importante valor histórico como unha primeira edición completa de L´Encyclopédie ou Dictionnaire Raisonné des Sciences, des Arts et des Métiers, de 17 volumes de texto e 11 con láminas. -
O 8 de novembro sométese a debate no Consello da Cultura Galega a situación das iniciativas culturais galegas na rede. Destacados ponentes a nivel español e internacional, como Joao Canavilhas, Hakan Casares, Alberto Marinelli ou Andreu Casero, acompañan a responsables de iniciativas de proximidade en Galicia. -
A Cátedra Valle-Inclán da USC desenvolverá nos vindeiros meses un extenso programa de actos para conmemorar o 150 aniversario do nacemento de Ramón del Valle-Inclán (1866-1936) e que contribuirá a achegar á sociedade a figura do insigne escritor galego cunha exposición, conferencias, lectura dramatizada e publicacións.
-
Cineasta, catedrática da Universidade de Santiago, escritora ou académica da RAG, Margarita Ledo Andión é galardoada co premio Ramón Piñeiro, Facer País en recoñecemento ao seu traballo a prol da lingua e da cultura galegas. Touriñán e Pereiro, xunto con Leilía na música, gañan o Premio Rebulir 2016.
