Pasar al contenido principal

Notas

  • Intersección reúne na Coruña a gañadores do Goya e a grandes talentos internacionais
    A Coruña celebra o seu cinefilia esta semana grazas a INTERSECCIÓN - Festival Internacional de Cinema da Coruña. Os amantes da sétima arte máis inconformistas gozan de máis de 150 proxeccións con 29 estreas mundiais e 28 estreas en España - procedentes de máis de 30 países como Israel, China, Xapón, Estados Unidos, Canadá, Francia, Alemaña, Malaisia ou Arxentina.
  • Os Bolechas visitan unha galería de arte na súa nova xira de teatro
    Bisavós e bisavoas, tataravós e tataravoas, familiares prehistóricos… os antepasados dos Bolechas regresan nesta nova aventura plasmados no lenzo. A nova obra de teatro “Os Bolechas en Familia visitan unha galería de arte” chega aos teatros de toda Galicia. Neste teatro de monicreques, os irmáns visitan unha galería na que coñecen a un pintoresco personaxe que realiza unha poxa de cadros, entre os que destacan algúns de artistas moi coñecidos: Castelao, Lugrís, Piccasso e algún petróglifo.
  • Aberto o prazo para votar pola candidatura galega no AI Song Contest 2023
    Despois dun mes de deliberación, o panel de expertos do AI Song Contest escolleu as 9 cancións finalistas que se sumarán á Galicia na Gran Final o vindeiro 4 de novembro na Coruña. A candidatura galega competirá contra unha decena de países coma Alemaña, Canadá, España, Estados Unidos, India, Países Baixos, Portugal, Reino Unido e Suecia. "Florespiña" é o tema impulsado polo equipo PAMP!, que recupera coa IA a famosa cantante, presentadora e actriz Ana Kiro.
  • Un equipo internacional codirixido desde a UVigo identifica os restos de Homo erectus máis antigos, que modifican a cronoloxía da evolución humana
    Un equipo internacional multidisciplinar liderado por Eduardo Méndez Quintas (Universidade de Vigo) e Margherita Mussi (Universidade La Sapienza de Roma) acaba de presentar os restos máis antigos coñecidos ata o momento da especie Homo erectus: o fragmento mandibular dun individuo infantil, ao que denominan Garba. Os restos foron atopados anos atrás no xacemento de Melka Kunture (Etiopía) pero non foi ata o de agora que se identificaron como da especie Homo erectus.
  • O CORNO, de Jaione Camborda, chega a 82 salas de cine en versión orixinal galega
    O CORNO, a segunda longametraxe da directora e guionista Jaione Camborda, estréase este mércores 11 de outubro nun total de 82 salas en todo o territorio español, 24 delas en Galicia. Trátase da maior estrea en salas dun filme en versión orixinal galega da historia. Unha sala chea dos Cantones Cines da Coruña recibiu o equipo da película para a estrea comercial do filme. O CORNO foi a película gañadora da Cuncha de Ouro á mellor película no 71º Festival Internacional de Cine de San Sebastián.
  • A VIII Xornada de Onomástica explora o papel dos nomes de lugar e persoas na cultura popular
    A VIII Xornada de Onomástica Galega explorará o 21 de outubro en Pontevedra o papel dos nomes propios e a súa riqueza na cultura popular. O encontro anual que organiza o Seminario de Onomástica da Real Academia Galega, coa colaboración coa Deputación de Pontevedra e do Museo de Pontevedra, prestaralle atención especial á presenza da toponimia e a antroponimia no cancioneiro, e terá tamén en conta outros xéneros.
  • O documental 'Doxandeem, cazadores de sueños', estrease en Ferrol para reflexionar, da man dunha das protagonistas, sobre a complexidade das migracións
    O documental 'Doxandeem, cazadores de sueños', producido por Goree Island, vén de estrearse mundialmente no Festival Panafricano de cine de Ouagadougou (FESPACO), en Burkina Faso, e pasar por pantallas de Senegal, Francia e Alemaña. Agora, este vindeiro sábado 14 de outubro recalará en Ferrol, no Centro Cultural Torrente Ballester, ás 20 horas da tarde, co afán de reflexionar sobre a migración e a súa complexidade.
  • Creatividade emerxente, reflexión e debate danse a man no Outono Cultural da USC
    Música, teatro, danza, exposicións, faladoiros, cursos ou propostas audiovisuais integran a programación do Outono Cultural, unha iniciativa que abrangue a meirande parte da acción da USC en materia de cultura neste primeiro período do ano. Esta nova programación leva aos campus de Santiago e Lugo múltiples propostas dirixidas ao alumnado da USC pero abertas, na súa maioría, ao conxunto da cidadanía.
  • Ana Kiro representará a Galicia na Eurovisión mundial da intelixencia artificial co equipo PAMP! e a canción "Florespiña"
    Un modelo de intelixencia artificial da famosa cantante, presentadora e actriz Ana Kiro representará a Galicia co equipo PAMP! e a canción "Florespiña" no AI Song Contest, a Eurovisión mundial da intelixencia artificial, que se celebrará o sábado 4 de novembro na Coruña. A iniciativa está liderada polo director creativo Joel Cava.
  • A Sala Alterarte de Ourense arranca a súa actividade cunha exposición “de abstracción radical” de catro artistas ourensáns
    O espazo expositivo do campus de Ourense, a Sala Alterarte, arrancou este xoves a programación do curso 2023/2024 coa exposición Clinamen. Catro propostas de abstracción radical. A mostra, comisariada por Manolo Figueiras, conta con obras dos artistas ourensáns Alejandro Caporale, Antonio Fernández Seoane, María Puertas e Antonio Soria Rocafort.