Crítica
Desde os 10 anos o Ceense Manuel Canosa talla esculturas en madeira.
Na recente exposición de artistas locais, que se levou a cabo na vila ceense, co gallo da celebración da "I Feira do Libro de Cee", déronse a coñecer, as tallas en madeira que Manuel Canosa Santamaría realiza e que atrouxeron a atención dos visitantes da mostra, aindaque o autor negouse a vender algunha das imaxes.
As pezas que o escultor espuxo teñen todas un sitio na súa propia casa, polo que so si algún que outro amigo lle pide algo especial, o fai. Os traballos son un crucifixo, un escudo real de Cee de hai 70 ou 80 anos, unha amazona, un par de tallas exentas, e varios baixorelevos.
O material que empregou para face-las figuras son madeiras de castaño, cabilla, cedro e ukola de Guinea, que merca nunha tenda do Pindo.
Manuel Canosa ten trinta e sete anos e dende os dez leva facendo figuriñas en madeira, sin que moitos dos seus veciños coñeceran esta faceta artística do profesor do colexio de Formación Profesional de Cee. "Dende pequeno -explica- sempre andaba coa navalla facendo figuriñas, barquiños sobre todo. Logo, fun facendo outras figuras con dentes de cachalote, que conquería na baleeira de Gures. O que máis e o que menos tiña sempre con él un dente de cachalote. Con el podíase facer aneles, crucifixos ou medalliñas, ás que se lle incrustaban cachiños de fichas de dominó. Moitos rapaces -engade- traíanme un dente para que lle fixera algunha destas cousas e eu facíalle o que me pedían e logo empregaba o resto para facer outras e vendelas". O ser fillo e neto de carpinteiros marcou un pouco a súa afición por este tipo de actividades. O seu pai tamén facía fichas de xadrez e bastóns tallados, mentres que unha tía súa tiña moita maña facendo zapatillas de madeira. A súa nai tamén influíu no seu interés polo tallamento en madeira, "por eso lle adiquei esta exposición", manifesta.
Defínese coma un autodidacta, e todo o que conqueriu facer e consecuencia das críticas que se fai a sí mesmo, segundo afirma. Non adica máis que o tempo libre para facer estes traballos, e mesmo soio cando se atopa inspirado.
