Una conferencia sobre Xosé María Díaz Castro inicia el programa de actos conmemorativos de las Letras Galegas 2014

Nota de prensa remitida por el Gabinete de Comunicación de la Xunta de Galicia:

A Escola Galega de Administración Pública comezou as celebracións relativas ao Día das Letras Galegas cunha conferencia dedicada ao poeta lucense Xosé María Díaz Castro, que foi pronunciada polo profesor, ensaísta e crítico literario Armando Requeixo.

O acto foi presidido pola directora da Escola, Sonia Rodríguez-Campos, a cal fixo referencia á importancia do Día das Letras Galegas ao servir como homenaxe daquelas persoas que destacaron pola súa creación literaria na lingua galega ou pola súa defensa; poñendo de manifesto a importancia que en Galicia lle damos ao noso idioma como signo de identificación para todos os galegos e como elemento literario de referencia.

Ademais, Rodríguez-Campos resaltou a importancia da obra de Díaz Castro referíndose explicitamente ao seu poemario Nimbos, que tivo unha grande influenza en moitos escritores de xeracións posteriores, e ao seu poema Penélope, un berro para vencer a apatía coa que moitas veces se cualifica aos galegos.

Finalmente, o profesor Armando Requeixo Cuba, un dos principais investigadores e coñecedores do autor homenaxeado, ofreceu unha ampla visión da traxectoria biográfica e literaria de Díaz Castro.

A celebración do Día das Letras Galegas continuará na EGAP o próximo sábado coa realización dunha visita aos lugares máis representativos da vida e obra de Díaz Castro, que será guiada por Felipe-Senén López, historiador de arte e arqueólogo. Durante esa xornada os asistentes coñecerán o Lugo romano e as novas iniciativas museísticas, a Terra Chá de Díaz Castro e os montes de Friol.