La celebración del 8º Centenario de la Peregrinación de San Francisco de Asís a Santiago de Compostela, acontecimiento de excepcional interés público entre los años 2013 y 2015

Nota de prensa remitida por el Gabinete de Comunicación de la Xunta de Galicia:

O informe da ponencia da Lei de Orzamentos Xerais do Estado xa inclúe a emenda sobre os Beneficios Fiscais aplicables aos actos de celebración do VIII Centenario da Peregrinación de San Francisco de Asís a Santiago de Compostela (1214-2014). A Xunta de Galicia solicitou que os actos citados puideran acollerse aos incentivos fiscais establecidos na Ley 49/2002, de 23 de decembro, de Réxime Fiscal das Entidades sen Fins Lucrativos e dos Incentivos Fiscais ao Mecenado.

A solicitude tramitouse a través dunha emenda de adicción ao articulado da Lei de Orzamentos Xerais do Estado na que se especifica o seguinte:

-Os actos relacionados coa celebración do VIII Centenario da Peregrinación de San Francisco de Asís a Santiago de Compostela terán a consideración de acontecemento de excepcional interese público aos efectos do disposto no artigo 27 da Ley 49/2002 de 23 de decembro, de Réxime Fiscal das Entidades sen Fins Lucrativos e dos Incentivos Fiscais ao Mecenado.

-A duración do programa de apoio a este acontecemento abarcará dende o día 1 de xullo de 2013 ao 30 de xuño de 2015.

-A certificación da adecuación dos gastos realizados aos obxectivos e plans do programa efectuarase conforme ao disposto na citada Lei 49/2002.

-As actuacións a realizar serán as que aseguren o axeitado desenvolvemento do acontecemento. O desenvolvemento e concreción en plans e programas de actividades específicas realizaranse polo órgano competente en conformidade ao disposto na citada Ley 49/2002.

-Os beneficios fiscais deste programa serán os máximos establecidos no artigo 27.3 da devandita Ley 49/2002.

A celebración do VIII Centenario da Peregrinación de San Francisco de Asís a Santiago promoverá congresos, exposicións e publicacións de gran calidade, no período comprendido entre mediados de 2013 e mediados de 2015.

A partir do 2 de agosto de 2013 o Comune di Assisi –irmandado coa cidade de Santiago- organizará unha peregrinación colectiva Asís-Compostela, a realizar por tramos, en Italia, Francia e España, acompañada de accións culturais e promocionais, conferencias, exposicións itinerantes e concertos de música medieval e/ou clásica. Estas accións organizadas pola Xunta de Galicia, coa colaboración do Consorcio de Santiago e a Orde franciscana, poderán contar co patrocinio privado.

O evento terá repercusión mundial, con actuacións concretas en Italia, Francia e España, integrando participantes de todo o mundo nos congresos que se realizarán en Santiago en 2014. Isto conseguirase coa colaboración da Orde franciscana e o apoio da Custodia de Xerusalén.

En Santiago de Compostela organizaranse diversos congresos internacionais, un deles sobre a historia das peregrinacións.

Contémplase a edición das actas como instrumento promocional e memoria do evento. Haberá tamén exposicións e concertos de música medieval e clásica. Unha destas mostras estará centrada no legado de San Francisco e a Orde que funda, e a súa relación cos camiños da peregrinación e as súas metas: Santiago, Xerusalén e Roma. Como complemento editarase un catálogo de gran calidade e referencia.