Las tres universidades gallegas y el Consello da Cultura Galega conmemoran el centenario de Cunqueiro con un congreso itinerante entre Santiago, A Coruña y Vigo

Nueve conferencias magistrales, cinco mesas redondas y más de 30 comunicaciones serán parte del programa del certamen cultural «Mil e un Cunqueiros», que comienza el día 28 de septiembre y tendrá carácter itinerante por las ciudades de Santiago, A Coruña y Vigo. Las sesiones se celebraran en el salón de actos del CCG (28 y 30 de septiembre), en el Paraninfo de la Universidad de A Coruña (29 de septiembre) y en el Auditorio Municipal de Vigo (1 de octubre).

El escritor y exministro de Cultura César Antonio Molina abrirá el programa con la conferencia «As miñas lecturas de Cunqueiro» y el hispanista inglés promotor de la cultura gallega John Rutherford será el encargado de clausurar el congreso hablando sobre «Álvaro Cunqueiro e a tradición literaria anglófona».

Nota de prensa do Consello da Cultura Galega:

Nove conferencias maxistrais, cinco mesas redondas e máis de trinta comunicacións contribuirán a facer do congreso “Mil e un Cunqueiros” un referente para a proxección futura do universal fabulador galego. Así o ven Ramón Villares, presidente do Consello da Cultura Galega (CCG), organizador do magno encontro xunto coas tres universidades galegas, Dolores Vilavedra e Teresa López, da comisión organizadora, e Henrique Monteagudo, coordinador do programa “Ano Cunqueiro”, impulsado e realizado polo CCG para conmemorar o centenario do escritor (Mondoñedo, 1911-Vigo, 1981). Os catro presentaron hoxe este “acto central do centenario cunqueiriano”, que comezará o 28 de setembro e itinerará durante catro días por Santiago de Compostela, A Coruña e Vigo.

As sesións do congreso “Mil e un Cunqueiros” celebraránse no salón de actos do CCG (28 e 30 de setembro), no Paraninfo da Universidade da Coruña (29 de setembro) e no Auditorio Municipal de Vigo (1 de outubro). César Antonio Molina, . escritor e exministro de Cultura, abrirá o programa coa conferencia “As miñas lecturas de Cunqueiro” e o galaicista John Rutherford (Universidade de Oxford) clausuraráo disertando sobre “Álvaro Cunqueiro e a tradición literaria anglófona”. Entre eses dous fitos irán expoñéndose achegas á biografía e a peripecia do escritor, á súa relación determinante e ricaz cos medios de comunicación, ó seu particular diálogo coa cultura popular e ó seu compromiso como intelectual, entre outros epígrafes.

Dolores Vilavedra (Universidade de Santiago de Compostela), integrante da comisión organizadora xunto con Teresa López (Universidade da Coruña) e Manuel Forcadela (Universidade de Vigo), agarda que o congreso sirva para “entender mellor o papel de Cunqueiro como intelectual do seu tempo e para coñecer as lecturas da súa obra desde fóra e desde novos paradigmas teóricos”. Nese sentido, Ramón Villares, presidente do CCG, subliñou o feito de que dous dos conferenciantes, Fernando Valls e Jordi Gracia, procedan de Catalunya, da Universidade de Barcelona, “xa que a cultura catalana foi a primeira en recoñecer a Cunqueiro como escritor en 1934”. Espera asemade que as contribucións congresuais permitan “achegar ao escritor á xente nova máis polo seu alento literario que polas referencias situacionais da súa obra”.

Teresa López, que salientou a importante e exemplar cooperación entre o CCG e as trres universidades galegas para facer realidade o congreso, chamou a atención sobre o seu carácter aberto a todas as aportacións científicas e académicas.

Henrique Monteagudo, coordinador do programa “Ano Cunqueiro”, co que o CCG queixo conmemorar o centenario do autor de “Cantiga nova que se chama Riveira”, significou o carácter central do congreso “que ven culminar un conxunto de actividades divulgativas da biografía e da obra do escritor en forma concertos, exposicións, representacións teatrais ou faladoiros”. Faladoiros ou coloquios que pasaron por Madrid e Barcelona e por todas as cidades galegas para rematar o periplo en Pontevedra (6 de outubro), Ferrol (3 de novembro) e Vigo (1 de decembro).