Presentada la exposición: San Froilán, culto e festa

Del 29 de septiembre al 26 de noviembre se puede ver en Lugo la exposición titulada San Froilán: culto e festa, promovida por el Xacobeo. La muestra está integrada por más de 120 piezas que se dividen en dos sedes y que contextualizan histórica y culturalmente la figura y la memoria de San Froilán. La Capilla de San Froilán de la Catedral y una estructura modular temporal situada en la Plaza de Ángel Fernández Gómez acogen la muestra que coincide con la celebración de las fiestas patronales.

La exposición se acompaña de un volumen especial con una edición de 1.000 ejemplares en gallego y otros tantos en castellano, además de trípticos y folletos explicativos. Valorar la historia de las ferias y fiestas de San Froilán, teniendo en cuenta aspectos etnográficos, sociales, económicos y de ocio, es el principal objetivo de la exposición.

Nota remitida por el Gabinete de Comunicación de la Consellería de Innovación e Industria de la Xunta:

O director-xerente da S.A. de Xestión do Plan Xacobeo, Ignacio Rodríguez Eguíbar, e o comisario de Exposicións do Xacobeo, Francisco Singul Lorenzo, o delegado da Consellería de Innovación e Industria en Lugo, Ramón Xesús Cortés e mais o ideólogo da mostra, o profesor de Historia Moderna da Universidade de Santiago de Compostela, Domingo L. González Lopo, presentaron en Lugo a mostra San Froilán: culto e festa. A exposición, que se inaugura o día 29 de setembro, terá dúas sedes na capital lucense. A capela de San Froilán da Catedral de Lugo e mais unha estrutura modular temporal instalada na praza Ángel Fernández Gómez. Ambas sedes están a ser acondicionadas para acoller as pezas desta magna exposición, coa que continúa en Lugo a programación expositiva de produción propia do Xacobeo.

O texto introdutorio forma parte da tradución da guía práctica que, en 1495, publica en Estrasburgo o alemán Herman Künig von Vach. O único cambio que propón a guía de Künig con respecto ao itinerario do Libro V do ‘Calixtino’ é o desvío a Lugo. A primeira edición desta guía procedente de Alemaña poderá contemplarse na mostra que se presentou en Lugo.

Dende o 29 de setembro ata o 26 de novembro, Lugo será a cidade de referencia para os estudosos e interesados na figura de San Froilán e na lenda e na memoria do santo. A mostra está integrada por máis de 120 pezas que se dividirán entre as dúas sedes da mesma. A exposición pretende contextualizar histórica e culturalmente a figura e a memoria de San Froilán na cidade de Lugo; relacionar a vida, obra e tempo de San Froilán co reino de Asturias, León e Al-Andalus, en especial pola súa política de repoboación e fundación de mosteiros nunha terra de fronteira. Entre os obxectivos da mesma está tamén o de valorar a figura e o tempo de San Froilán en relación coas peregrinacións xacobeas en época de Afonso III.

No tocante á lenda e á memoria do santo no Lugo do século XII, a mostra destaca tres puntos esencialmente: a construción da catedral románica e do suposto sepulcro de Santa Froila; a conexión con Europa; e a concesión do privilexio da exposición perpetua do Santísimo. A mostra tamén terá en conta a memoria de San Froilán no final da Idade Media, tanto en Lugo como en León e valorarase a posición de Lugo, na no século XV, como cidade de paso do Camiño Francés.

O culto ao santo na época barroca e a historia das feiras e festas de San Froilán en Lugo, tendo en conta aspectos etnográficos e socioeconómicos tamén formará parte importante deste proxecto. As pezas que se expoñerán na mostra abarcan un período de máis de quince séculos de Historia.

O director-xerente da S.A. de Xestión do Plan Xacobeo, Ignacio Rodríguez Eguíbar, destacou a importancia da mostra para aprender sobre a figura de San Froilán e a súa relación coa cidade, así como a unión da historia deste personaxe coa tradición dos festexos. Ignacio Rodríguez Eguíbar resaltou, do mesmo xeito, a colaboración do Concello de Lugo no proxecto e mais do Bispado de Lugo. Pola súa parte, o comisario da exposición, Francisco Singul Lorenzo, destacou aspectos técnicos e temáticos da mostra que, segundo dixo, intenta “transcender a figura en si mesma do santo para consideralo un símbolo da cidade e a través del desenvolver un proxecto sobre a cultura e a historia da cidade de Lugo”. Segundo Singul, “o Xacobeo intentou configurar un proxecto integral sobre a figura de San Froilán e a súa vinculación coa cidade e repasar a historia de Lugo e comprender dende a raíz a súa vinculación co Camiño Francés”.

San Froilán: Culto e Festa estará acompañada dun volume baixo o mesmo título da exposición do que se editarán 1.000 exemplares en galego e 1.000 en castelán. Tamén haberá folletos nos dous idiomas que recollen o esencial da mostra. O volume recolle os elementos que forman parte da exposición pero inclúe unha visión máis ampla da época e un estudo pormenorizado da figura do santo patrón da cidade das murallas.

A exposición San Froilán: Culto e Festa ten moi en conta as orixes cristiás de Lugo e, en xeral, de Galicia. Analiza tamén a Idade Media, a época sueva, visigoda e o tempo da repoboación do bispo Odoario. Parte importante da mostra estará ocupada na análise da época propia de San Froilán e mais do mundo da arte e da mentalidade medieval no século no que se constrúe a catedral románica lucense. Na mostra tentará renderse homenaxe á basílica de Santa María de Lugo. Do mesmo xeito, evocarase a presenza dos peregrinos xacobeos en Galiza e na cidade de Lugo na última etapa da Idade Media; unha época na que se potencia de maneira significativa o culto a San Froilán, tanto en León como na capital lucense, que conta dende 1481 cun altar dedicado ao santo.

A festa barroca será outro dos apartados temáticos da mostra, no que se pretenderá representar o marco cultural no que se produce a exaltación postridentina, cunha marcada etapa de esplendor para a arte galega. A ourivería sacra e a imaxinería da época estarán representadas na exposición.

Do mesmo xeito, evocaranse as feiras e as festas que, dende mediados do século XVIII ata a actualidade, relacionan o espectáculo profano e a actividade comercial coa festa relixiosa que se desenvolve na cidade de Lugo cada mes de outubro.

San Froilán: culto e festa será unha exposición de homenaxe á cidade de Lugo e á figura histórica de San Froilán, que pretende facer unha síntese da cultura lucense dende o s tempos finais da época romana ata os nosos días.

Entre as pezas que integran a exposición que os lucenses poderán visitar durante as festas destacan o célebre Crismón de Quiroga, placa de mármore da segunda metade do século IV, ou primeira do V; os restos marmóreos da nave inferior de Santa Eulalia de Bóveda; algúns restos visigóticos da igrexa de Santiago de Saamasas; o capitel da Igrexa de San Pedro de Seteventos.

Entre as obras do monxe cántabro Beato de Liébana destacan os célebres Comentarios á Apocalipse. Un facsímile deste códice é o denominado Beato de Tábara, feito nun dos mosteiros fundados por San Froilán, o mosteiro de San Salvador de Tábara, poderá admirarse na mostra. Os modillóns mozárabes galegos do mosteiro de Sobrado dos Monxes e da igrexa de Vilanova dos Infantes, así como un capitel califal cordobés serán outras das pezas relevantes.

Tamén da época de Afonso III o Magno se poderán admirar un beiril da igrexa de san Xes de Francelos e unha réplica da cruz de ouro e pedrerías, símbolo do reino ástur. Coleccións de acibeches e imaxes de Santiago, así como a primeira edición da guía práctica de Künig, xa comentada, aras romanas e o relicario de prata coa reliquia de San Froilán, así como a imaxe do santo son algunhas das pezas únicas polas que pagará a pena visitar a mostra, que se completará cunha parte etnográfica e outra audiovisual e fotográfica, procedente do arquivo do fotógrafo Xosé Luís Vega, para ilustrar a festa pagá.
http://sanfroilan.galiciadigital.com