Pasar al contenido principal
Cultura Galega | Cultura Gallega logo

Enlaces primarios

  • Inicio
  • Galerías de Autores
    • Arquitectura
    • Artesanía
    • Deseño Gráfico
    • Deseño Moda
    • Escultura
    • Esmalte
    • Fotografía
    • Gravado
    • Ilustración
    • Multimedia
    • Pintura
  • Publicacións
  • Concursos
    • Bases
    • Premios
  • Alta de Autor
  • Alta Directorio
  • Contacto

A mostra 'O linogravado dixital' rende homenaxe a Pablo Picasso con obras de 52 artistas que se mergullaron nesta técnica

O director xeral de Cultura, Anxo M. Lorenzo, participou hoxe na inauguración da exposición O linogravado dixital. Homenaxe a Pablo Picasso no Museo do Gravado de Ribeira. Esta mostra recolle as obras dos 52 artistas que participaron nos cinco obradoiros de linogravado realizados entre os anos 2022 e 2023 realizados polo museo.

O proxecto de homenaxe a Pablo Picasso está financiado a través dun convenio de colaboración entre a Consellería de Cultura, Educación, FP e Universidades e a Fundación Museo de Artes do Gravado á Estampa Dixital. “Con esta colaboración queremos render homenaxe ao artista Pablo Picasso, quen deixou un legado moi interesante respecto aos linogravados sobre o carácter obxectivo dos procesos técnicos que levou a cabo para obter as súas estampas”, afirmou o director xeral de Cultura.

Pablo Picasso, durante a súa longa e frutífera traxectoria artística, explorou o campo da obra gráfica, onde atopou un medio de creación alternativo ao debuxo e á pintura, ademais de permitirlle unha maior difusión do seu traballo, xa que a obra gráfica posibilita obter varias estampas iguais a partir dunha mesma imaxe-matriz. Entre estas técnicas que espertaron o seu interese atópase o linogravado, co que realizou 199 imaxes.

Durante o acto de inauguración da exposición tamén se presentou o seu libro-catálogo, no que se inclúe unha publicación inédita titulada O gravado en relevo en Galicia. A linoleografía, de J. Daniel Buján, na que se amosa con exemplos de linogravados a historia desta técnica en Galicia.

‘Gyotaku gravado’

O linogravado dixital. Homenaxe a Pablo Picasso está conformada polas pezas que se realizaron nos obradoiros de gravado, impartidos polos profesores José Fuentes, Antonio Navarro e Isabel Carralero, da Universidade de Salamanca. Os alumnos descubriron as técnicas de linogravado que o artista Pablo Picasso empregou nas súas obras, ademais de outras técnicas novidosas impartidas no obradoiro. “Coa realización destes talleres quixemos render homenaxe a este mestre universal”, destacou Anxo M. Lorenzo.

Durante este mes e xaneiro de 2024 realizaranse novos obradoiros de gravado, baixo o nome Gyotaku gravado, para que esta técnica gráfica se expanda a máis persoas. En novembro, o Museo do Gravado de Ribeira acolle estes talleres mañá, o sábado e o domingo, mentres que en xaneiro as datas previstas son os días 25, 26 e 27.
R.

Directorio

  • Ensinanza (19)
  • Editoriales (97)
  • Museos (122)
  • Salas Exposición (127)
  • Artesanía (554)
    • cerámicas (108)
    • coiro (46)
    • gráficas (12)
    • metal (82)
    • pedra (40)
    • vidro (30)
    • instrumentos (22)
    • textil (68)
    • xoiería (39)
    • madeira (67)
    • varios (41)
  • Teatro (239)
    • maxia (22)
    • aficionados (126)
    • compañías profesionais (93)
  • Música (1179)
    • son e iluminación (22)
    • varios (168)
    • solistas, duos y trios (30)
    • orquestras y grupos (43)
    • música clásica (283)
    • grupos folk-rock-pop (154)
    • rondallas (39)
    • corais e orfeóns (296)
    • bandas de música (149)
  • Cultura Tradicional (319)
    • agrupacións de canto tradicional (56)
    • grupos de música popular (262)
  • Bibliotecas (813)
    • bibliotecas públicas (456)
    • bibliotecas especializadas (357)
  • Danza (308)
    • outras danzas (38)
    • danza tradicional galega (270)

Aviso Legal | Política de Privacidad | Política de cookies

Aldeas Gallegas

Usamos cookies propias y de terceros para mostrar publicidad personalizada según su navegación.
Si continua navegando consideramos que acepta el uso de cookies. OK Más información