Pasar al contenido principal
Cultura Galega | Cultura Gallega logo

Enlaces primarios

  • Inicio
  • Galerías de Autores
    • Arquitectura
    • Artesanía
    • Deseño Gráfico
    • Deseño Moda
    • Escultura
    • Esmalte
    • Fotografía
    • Gravado
    • Ilustración
    • Multimedia
    • Pintura
  • Publicacións
  • Concursos
    • Bases
    • Premios
  • Alta de Autor
  • Alta Directorio
  • Contacto

O punk feminista de Las Odio, a zarzuela bufa de Rodrigo Cuevas e o humor de Pony Bravo, esta semana en ‘Atardecer no Gaiás’

Con claras influencias do rock andaluz dos 70, Pony Bravo nacía a comezos de 2006 en Sevilla formado por Daniel Alonso, Pablo Peña, Javier Rivera e Darío del Moral. Ademais de cancións míticas da súa carreira, traerán ao Gaiás os seus ritmos máis frescos, pois precisamente o pasado mes de maio lanzaban tres novos temas –‘Rey Boabdil’, ‘Espectro de Jung’ e ‘Piensa McFly’– tras cinco anos de silencio desde o seu traballo anterior De palmas y cacería.

Coma sempre, a cita será no escenario Alhambra da Praza Central da Cidade da Cultura ás 21 horas, para un concerto con entrada libre e de balde. Nesta ocasión ademais, tras a actuación de Pony Bravo a festa continuará cunha sesión DJ a cargo de ‘La Isla del Tesoro’, por cortesía de A Cantina do Gaiás.

Asturias irreverente e punk feminista

A noitiña do venres será a quenda de Rodrigo Cuevas co seu inclasificable espectáculo ‘El mundo por montera’. Con este segundo traballo en solitario, o artista asturiano procura unha chamada de atención sarcástica en formato de zarzuela bufa, feita desde Asturias e para o mundo, na que amosa o seu particular universo.

Un mundo tradicional, rural e excéntrico, pero ao mesmo tempo urbano, crítico e tecnolóxico reflíctese no escenario nun traballo persoal e atrevido que une folclore, música popular e gargallada, enfiado cunha grande calidade musical e vocal. Cun proxecto no que mestura o traxe rural con aires de cabaré e a música tradicional cantada en bable con bases electrónicas e reggaetón, Rodrigo Cuevas destila humor e amor polo folclore asturiano a partes iguais e promete non deixar a ninguén indiferente.

Para finalizar a semana, a banda madrileña Las Odio, inserida no movemento punk feminista Riot grrrls, chega ao Gaiás coa promesa de que o público non parará de bailar desde o primeiro ao último tema. Formado por Ágata Ahora (guitarra), Ali Holgado (batería), Paula JJ (voz e sintes) e Sonsoles Rodríguez (baixo) o cuarteto nace en 2015 no underground madrileño ¬–ou infraground nas súas propias verbas–. Cando dous anos despois ve a luz o seu álbum debut, Futuras esposas, Las Odio deixa de ser o segredo mellor gardado da escena musical da capital para saltar ás páxinas da prensa cultural, que as clasifica entre o máis prometedor do ano, resaltando a frescura e o descaro do seu son.

Con ritmos entre o post-punk, o pop, o rock, o yeyé ou o garage, as súas letras divertidas, afiadas e feministas móvense entre o discurso xeracional e a narración costumista, sempre desde a ironía e o humor máis acedo.
Recta final dos solpores musicados no Gaiás

Atardecer no Gaiás encara así xa a recta final das 21 actuacións que o ciclo programa o para este verán 2018, nunha edición caracterizada —ademais de por unha maior presenza das músicas urbanas— pola aposta por voces femininas. A actividade, organizada pola Fundación Cidade da Cultura de Galicia conta coa colaboración do Inaem e o patrocinio de Cervezas Alhambra. En cidadedacultura.gal pode consultarse máis información sobre os concertos, que están a ter lugar na Praza Central do Gaiás –con entrada libre e de balde– todos os xoves, venres e sábados do verán ás 21 horas ata o 18 de agosto.
R.

Directorio

  • Ensinanza (19)
  • Editoriales (97)
  • Museos (122)
  • Salas Exposición (127)
  • Artesanía (554)
    • cerámicas (108)
    • coiro (46)
    • gráficas (12)
    • metal (82)
    • pedra (40)
    • vidro (30)
    • instrumentos (22)
    • textil (68)
    • xoiería (39)
    • madeira (67)
    • varios (41)
  • Teatro (239)
    • maxia (22)
    • aficionados (126)
    • compañías profesionais (93)
  • Música (1179)
    • son e iluminación (22)
    • varios (168)
    • solistas, duos y trios (30)
    • orquestras y grupos (43)
    • música clásica (283)
    • grupos folk-rock-pop (154)
    • rondallas (39)
    • corais e orfeóns (296)
    • bandas de música (149)
  • Cultura Tradicional (319)
    • agrupacións de canto tradicional (56)
    • grupos de música popular (262)
  • Bibliotecas (813)
    • bibliotecas públicas (456)
    • bibliotecas especializadas (357)
  • Danza (308)
    • outras danzas (38)
    • danza tradicional galega (270)

Aviso Legal | Política de Privacidad | Política de cookies

Aldeas Gallegas

Usamos cookies propias y de terceros para mostrar publicidad personalizada según su navegación.
Si continua navegando consideramos que acepta el uso de cookies. OK Más información