Presentación en Vigo do libro: Carlos Casares: os amigos, as imaxes, as palabras
O mércores 9 de marzo de 2005, coincidindo co terceiro cabodano de Carlos Casares, na sala de conferencias do Centro Social Caixanova de Vigo (Policarpo Sanz nº 26), presentarase o libro Carlos Casares: os amigos, as imaxes, as palabras, recentemente saído do prelo mercede a un convenio de coedición entre Promocións Culturais Galegas - Edicións A Nosa Terra e a Fundación Carlos Casares.
O volume, que conta co patrocinio de Caixanova e outras institucións, foi coordinado por Xan Carballa, director de Edicións A Nosa Terra, e Damián Villalaín, director da Fundación Carlos Casares. Luxosamente editado e en gran formato, o libro fai ao longo de máis de duascentas páxinas un percorrido pola traxectoria vital de Casares, reflectindo as múltiples facetas da súa personalidade a través de testemuños de amigos e colaboradores, que abordan o personaxe dende o seu lado máis sentidamente humano. Entre os máis de cincuenta autores, atópanse persoeiros relevantes da cultura, a política e a empresa. Tamén se recolle a opinión de Casares nas súas propias palabras, a miúdo como actor destacado dos feitos históricos, en varios escritos e entrevistas, algunha delas inédita até o momento.
Así mesmo, o volume constitúe un excelente álbum recompilatorio de material gráfico das décadas 1940-2000, en parte tamén inédito, procedente en moitos casos do arquivo familiar.
A obra, ordeada cronolóxicamente, vai dando conta das sucesivas etapas da vida de Carlos Casares, así como das súas varias responsabilidades, constituíndo, asemade, unha crónica das últimas décadas da Historia de Galicia: a infancia e mocidade de posguerra en Xinzo e Ourense, a comprometida universidade compostelá dos sesenta, a loita política pola democracia e a autonomía, a actividade editorial e cultural, etc.
No acto de presentación intervirán Alfonso Zulueta de Haz (Presidente do Consello da Cultura Galega), Julio Fernández Gayoso (Director Xeral de Caixanova), Xosé Fernández Puga (Presidente de Promocións Culturais Galegas - Edicións A Nosa Terra), Kristina Berg (Presidenta da Fundación Carlos Casares) e Damián Villalaín (Director da Fundación Carlos Casares).
O volume, que conta co patrocinio de Caixanova e outras institucións, foi coordinado por Xan Carballa, director de Edicións A Nosa Terra, e Damián Villalaín, director da Fundación Carlos Casares. Luxosamente editado e en gran formato, o libro fai ao longo de máis de duascentas páxinas un percorrido pola traxectoria vital de Casares, reflectindo as múltiples facetas da súa personalidade a través de testemuños de amigos e colaboradores, que abordan o personaxe dende o seu lado máis sentidamente humano. Entre os máis de cincuenta autores, atópanse persoeiros relevantes da cultura, a política e a empresa. Tamén se recolle a opinión de Casares nas súas propias palabras, a miúdo como actor destacado dos feitos históricos, en varios escritos e entrevistas, algunha delas inédita até o momento.
Así mesmo, o volume constitúe un excelente álbum recompilatorio de material gráfico das décadas 1940-2000, en parte tamén inédito, procedente en moitos casos do arquivo familiar.
A obra, ordeada cronolóxicamente, vai dando conta das sucesivas etapas da vida de Carlos Casares, así como das súas varias responsabilidades, constituíndo, asemade, unha crónica das últimas décadas da Historia de Galicia: a infancia e mocidade de posguerra en Xinzo e Ourense, a comprometida universidade compostelá dos sesenta, a loita política pola democracia e a autonomía, a actividade editorial e cultural, etc.
No acto de presentación intervirán Alfonso Zulueta de Haz (Presidente do Consello da Cultura Galega), Julio Fernández Gayoso (Director Xeral de Caixanova), Xosé Fernández Puga (Presidente de Promocións Culturais Galegas - Edicións A Nosa Terra), Kristina Berg (Presidenta da Fundación Carlos Casares) e Damián Villalaín (Director da Fundación Carlos Casares).
Fundación Carlos Casares
