Cultura convida aos escolares a participar no certame de narración e debuxo infantil das Letras Galegas 2015
Os traballos deberán versar en torno ao lema “Da ciencia á ficción”, e o prazo para presentalos remata o venres, 8 de maio. Os interesados poden entregar todos os traballos que desexen, na modalidade de debuxo, na de redacción ou en ambas. Cada biblioteca elixirá aos gañadores da fase local, que competirán na fase provincial que se dirimirá na Biblioteca Nodal de Lugo.
Esta será unha das citas máis salientables do programa de actividades da Biblioteca Nodal para este mes, no que estará tamén presente na Feira do Libro de Lugo ademais de manter a súa actividade habitual no centro para nenos a adultos.
Así, entre os días 25 e 26 de maio haberá un curso de alfabetización dixital para adultos, onde se explicarán nocións básicas sobre o entorno Windows e o procesador de textos.
A programación infantil comeza este venres con Palma, repalma, para bebés de 0 a 3 anos. O venres 15 de maio terá lugar o obradoiro Imos xogar con Xosé Filgueira Valverde, para nenos e nenas de 4 a 12 anos. Por medio dun divertido xogo por equipos, os participantes descubrirán a orixe e significado do Día das Letras Galegas, achegándose á obra do autor homenaxeado nese día, Xosé Filgueira Valverde.
O día 22 de maio, a ludoteca acollerá as Aventuras na cociña, para nenos e nenas de 3 a 8 anos, un contacontos teatral para promover hábitos saudables na alimentación e fomentar o uso da biblioteca e a lectura. Pecha a programación infantil, o 29 de maio, Rás! Contos batracios, para escolares de 4 a 9 anos. Todas as actividades comezan ás seis da tarde e é necesario apuntarse previamente.
Polo que respecta ás exposicións, ao longo do mes permanecerá a mostra dos alumnos de grabado e técnicas de estampación da Escola de Arte e Superior de Deseño Ramón Falcón, así como mostras bibliográficas sobre Xosé Filgueira Valverde e Ramón Piñeiro e as tituladas Libros esquecidos, Como aprobar un exame? e Como levas iso de comer?
Esta será unha das citas máis salientables do programa de actividades da Biblioteca Nodal para este mes, no que estará tamén presente na Feira do Libro de Lugo ademais de manter a súa actividade habitual no centro para nenos a adultos.
Así, entre os días 25 e 26 de maio haberá un curso de alfabetización dixital para adultos, onde se explicarán nocións básicas sobre o entorno Windows e o procesador de textos.
A programación infantil comeza este venres con Palma, repalma, para bebés de 0 a 3 anos. O venres 15 de maio terá lugar o obradoiro Imos xogar con Xosé Filgueira Valverde, para nenos e nenas de 4 a 12 anos. Por medio dun divertido xogo por equipos, os participantes descubrirán a orixe e significado do Día das Letras Galegas, achegándose á obra do autor homenaxeado nese día, Xosé Filgueira Valverde.
O día 22 de maio, a ludoteca acollerá as Aventuras na cociña, para nenos e nenas de 3 a 8 anos, un contacontos teatral para promover hábitos saudables na alimentación e fomentar o uso da biblioteca e a lectura. Pecha a programación infantil, o 29 de maio, Rás! Contos batracios, para escolares de 4 a 9 anos. Todas as actividades comezan ás seis da tarde e é necesario apuntarse previamente.
Polo que respecta ás exposicións, ao longo do mes permanecerá a mostra dos alumnos de grabado e técnicas de estampación da Escola de Arte e Superior de Deseño Ramón Falcón, así como mostras bibliográficas sobre Xosé Filgueira Valverde e Ramón Piñeiro e as tituladas Libros esquecidos, Como aprobar un exame? e Como levas iso de comer?
Gabinete de Comunicación da Delegación Territorial da Xunta de Galicia en Lugo
