Xosé Luis Otero coordina a mostra colectiva Efímero: The intensity of everything ephemeral, en Porto

Trátase dun novo proxecto no que Xosé Luis Otero dirixe e coordina a outros artistas do mundo do teatro, vídeo-creadores, deseñadores e fotógrafos. Unha nova estrutura de organización para o desenvolvemento, concepción e despregamento dunha idea: O Efimero.

Todos nós somos, realmente, arquitecturas efémeras, creadas para ser,
durante un período de tempo moi breve, e para non ser, por toda a eternidade. É, o mesmo que nós, os nosos xestos, as nosas obras, que comezan a derrubarse ao pouco de ser construídas. A idea é esa e pode ser un tema plástico atractivo.

A performance a cargo da ESAD (Escola Superior de Arte Dramática de Galicia) comeza ás 21:30 hora portuguesa, o día 28 de novembro de 2014, no Edificio Axa na Avenida dous Aliados (Na praza, fronte ao Concello de Porto), en Portugal.