Pasar al contenido principal
Cultura Galega | Cultura Gallega logo

Enlaces primarios

  • Inicio
  • Galerías de Autores
    • Arquitectura
    • Artesanía
    • Deseño Gráfico
    • Deseño Moda
    • Escultura
    • Esmalte
    • Fotografía
    • Gravado
    • Ilustración
    • Multimedia
    • Pintura
  • Publicacións
  • Concursos
    • Bases
    • Premios
  • Alta de Autor
  • Alta Directorio
  • Contacto

O Festival de Teatro Galego celebra os seus 25 anos incluíndo por primeira vez espectáculos para bebés

O Festival de Teatro Galego (Fetega) celebra este ano o seu 25 aniversario, incluíndo por primeira vez na súa programación espectáculos para bebés. O evento, que se desenvolverá no Auditorio do Carballiño entre os días 2 e 5 de setembro, conta coa colaboración da Deputación de Ourense e do Concello do Carballiño, e supón o único festival de teatro galego que se organiza na nosa comunidade autónoma, no que se exhiben os principais espectáculos teatrais das compañías de Galicia.

A presentación tivo lugar no Pazo Provincial coa presenza de Rosendo Fernández, vicepresidente da Deputación de Ourense; Josi Lage, directora de Fetega; Ernesto Chao, actor de Lagarta, Lagarta; Celso Parada, actor de Teatro do Morcego; Iolanda Muíños, actriz de Obras Públicas, e Argimiro Marnotes, alcalde do Carballiño.

O festival contará este ano con funcións en horario de noite, para o público adulto; de tarde, para espectadores infantís, e de mañá, para bebés. Nas sesións nocturnas as entradas terán un custe de 8 euros e os asistentes poderán gozar de montaxes de gran categoría como Bye, bye, honey, da compañía “Obras Públicas”, galardoada con dous premios “María Casares”. Tamén actuará a compañía “Lagarta, lagarta” co seu espectáculo O país do Pato Donald, unha reflexión dirixida por Xulio Lago sobre a derradeira estación da vida dun profesor de literatura (Ernesto Chao) que vive os seus últimos días entre a realidade e as lembranzas. Finalmente, Misterio Cómico de “Teatro do Morcego”, será outro dos espectáculos que integran a 25ª edición de Fetega, precisamente no ano no que esta compañía cumpre tamén as súas vodas de prata nos escenarios.

Ademais, o último día, 5 de setembro, entregaranse os premios Fetega 2014, nunha gala no que Pistacatro deleitará aos asistentes co seu espectáculo de malabares. Hoxe Josi Lage adiantou que un dos premios, a título de honra, será para Xan Pinal, polo seu labor realizado como precursor e creador do Festival de Teatro Galego.

Rosendo Fernández destacou no acto de presentación o compromiso da Deputación de Ourense con este evento “que nos permite gozar cada ano do mellor do noso teatro”, e Argimiro Marnotes subliñou o feito de que este festival “conta coa singularidade de ser o único das súas características por ser o único especializado en teatro galego”.

Para máis información: www.fetega.com
Gabinete de Comunicación da Deputación Provincial de Ourense

Directorio

  • Ensinanza (19)
  • Editoriales (97)
  • Museos (122)
  • Salas Exposición (127)
  • Artesanía (554)
    • cerámicas (108)
    • coiro (46)
    • gráficas (12)
    • metal (82)
    • pedra (40)
    • vidro (30)
    • instrumentos (22)
    • textil (68)
    • xoiería (39)
    • madeira (67)
    • varios (41)
  • Teatro (239)
    • maxia (22)
    • aficionados (126)
    • compañías profesionais (93)
  • Música (1179)
    • son e iluminación (22)
    • varios (168)
    • solistas, duos y trios (30)
    • orquestras y grupos (43)
    • música clásica (283)
    • grupos folk-rock-pop (154)
    • rondallas (39)
    • corais e orfeóns (296)
    • bandas de música (149)
  • Cultura Tradicional (319)
    • agrupacións de canto tradicional (56)
    • grupos de música popular (262)
  • Bibliotecas (813)
    • bibliotecas públicas (456)
    • bibliotecas especializadas (357)
  • Danza (308)
    • outras danzas (38)
    • danza tradicional galega (270)

Aviso Legal | Política de Privacidad | Política de cookies

Aldeas Gallegas

Usamos cookies propias y de terceros para mostrar publicidad personalizada según su navegación.
Si continua navegando consideramos que acepta el uso de cookies. OK Más información