O negocio da música e o salto ao mercado internacional, a debate na CdC
A Consellería de Cultura, Educación e Ordenación Universitaria e o Music Managers Forum de España (MMF-Spain) organizan o seminario profesional O negocio musical actual. Listos para exportar?, que se desenvolve os días 24, 25, 29 e 30 de abril na Cidade da Cultura de Galicia en Santiago de Compostela. Dirixido a managers e artistas autoxestionados, o obxectivo é facilitarlles unha serie de ferramentas teóricas e prácticas para deseñar, negociar e executar una estratexia de expansión no marco da industria musical dentro e fóra de España.
Neste sentido, contarase coas achegas de destacados profesionais internacionais como Keith Harris, manager de Stevie Wonder e director xeral da Motown nos setenta; Stuart Worthington, do MMF Training, e Christian Ulf-Hansen, coñecido polo seu traballo con artistas como Gabrielle, Lisa Loeb, Ron Sexsmith ou Corinne Bailey Rae, entre outros.
Trinta prazas
Cultura e Educación, que impulsa esta iniciativa a través da Agadic (Axencia Galega das Industrias Culturais), e o MMF-Spain manteñen aberto ata o 31 de marzo o prazo de inscrición neste seminario a través do correo electrónico info@mmf-spain.com [nova venta] . A Sociedad General de Autores y Editores (SGAE) presta tamén apoio económico a esta iniciativa, na que colabora así mesmo a Asociación Músicos ao Vivo.
Convócase un total de 30 prazas, que serán adxudicadas por rigorosa orde de solicitude. O prezo da matrícula xeral é de 22 euros e de 20 euros para os socios do MMF, SGAE e Músicos ao Vivo, así como para os usuarios do espazo de coworking Emprende Cultura Gaiás.
Este seminario profesional insírese no programa de promoción da internacionalización da música galega que a Consellería de Cultura e Educación desenvolve a través de diferentes eixes de acción, como o fomento da presenza en mercados internacionais ou as subvencións da Agadic á distribución, entre outros. Nesta mesma liña de traballo enmárcase tamén o apoio do departamento que dirixe Xesús Vázquez Abad á celebración en Galicia de Womex 2014, o principal mercado internacional para a música de raíz, que terá lugar na Cidade da Cultura e noutros espazos de Santiago de Compostela do 22 ao 24 de outubro.
Programa
O programa de O negocio musical actual. Listos para exportar? desenvolverase ao longo de catro xornadas a través das que se afondará nos aspectos cruciais da realidade musical actual e nas claves para entender o negocio da música e aproveitar as oportunidades de internacionalización.
O seminario dará comezo o xoves 24 de abril con catro sesións arredor da figura e do traballo do manager, a cargo de Patricia Hermida e Natalia Talayero, directoras do MMF-Spain. Inserida á súa vez na federación internacional IMMF (International Music Managers Forum), esta asociación española de managers ten entre os seus fins o fomento da profesionalización dos managers e da industria musical en xeral.
O seminario continuará o venres 25 de abril cunha xornada titulada ‘A linguaxe da SGAE’, dedicada a afondar en cuestións xurídicas e prácticas cara á relación dos autores con esta sociedade de xestión, así como en diferentes aspectos da Lei de Propiedade Intelectual. Participarán como relatores Juan Carlos F. Fasero, director da Zona Noroeste da SGAE; Marian López, coordinadora do Departamento de Socios na sede de Asturias; e Marina Luiña, en representación do servizo xurídico desta entidade.
O módulo internacional deste programa ocupará as xornadas do martes 29 e do mércores 30 de abril. Na primeira delas, Stuart Worthington e Christian Ulf-Hansen proporcionarán aos asistentes unha serie de instrumentos para comprender o negocio musical actual, compartindo a súa ampla experiencia como xestores das súas propias compañías de management e como docentes en diferentes foros internacionais.
Máis de 30 anos con Stevie Wonder
Para a última cita deste evento contarase coa presenza de Keith Harris quen, acompañado de Worthington, centrarase na planificación e preparación do desembarco de artistas no mercado internacional. Harris xestiona a carreira de Stevie Wonder desde hai máis de trinta anos. Nos anos setenta desenvolveu a súa traxectoria en EMI Records, onde traballou con Elton John e onde chegou a poñerse á fronte do selo Motown, do que foi director xeral durante dous anos traballando con artistas tan míticos como Marvin Gaye, Diana Ross, Smokey Robinson, The Commodores ou The Supremes, entre outros.
Neste sentido, contarase coas achegas de destacados profesionais internacionais como Keith Harris, manager de Stevie Wonder e director xeral da Motown nos setenta; Stuart Worthington, do MMF Training, e Christian Ulf-Hansen, coñecido polo seu traballo con artistas como Gabrielle, Lisa Loeb, Ron Sexsmith ou Corinne Bailey Rae, entre outros.
Trinta prazas
Cultura e Educación, que impulsa esta iniciativa a través da Agadic (Axencia Galega das Industrias Culturais), e o MMF-Spain manteñen aberto ata o 31 de marzo o prazo de inscrición neste seminario a través do correo electrónico info@mmf-spain.com [nova venta] . A Sociedad General de Autores y Editores (SGAE) presta tamén apoio económico a esta iniciativa, na que colabora así mesmo a Asociación Músicos ao Vivo.
Convócase un total de 30 prazas, que serán adxudicadas por rigorosa orde de solicitude. O prezo da matrícula xeral é de 22 euros e de 20 euros para os socios do MMF, SGAE e Músicos ao Vivo, así como para os usuarios do espazo de coworking Emprende Cultura Gaiás.
Este seminario profesional insírese no programa de promoción da internacionalización da música galega que a Consellería de Cultura e Educación desenvolve a través de diferentes eixes de acción, como o fomento da presenza en mercados internacionais ou as subvencións da Agadic á distribución, entre outros. Nesta mesma liña de traballo enmárcase tamén o apoio do departamento que dirixe Xesús Vázquez Abad á celebración en Galicia de Womex 2014, o principal mercado internacional para a música de raíz, que terá lugar na Cidade da Cultura e noutros espazos de Santiago de Compostela do 22 ao 24 de outubro.
Programa
O programa de O negocio musical actual. Listos para exportar? desenvolverase ao longo de catro xornadas a través das que se afondará nos aspectos cruciais da realidade musical actual e nas claves para entender o negocio da música e aproveitar as oportunidades de internacionalización.
O seminario dará comezo o xoves 24 de abril con catro sesións arredor da figura e do traballo do manager, a cargo de Patricia Hermida e Natalia Talayero, directoras do MMF-Spain. Inserida á súa vez na federación internacional IMMF (International Music Managers Forum), esta asociación española de managers ten entre os seus fins o fomento da profesionalización dos managers e da industria musical en xeral.
O seminario continuará o venres 25 de abril cunha xornada titulada ‘A linguaxe da SGAE’, dedicada a afondar en cuestións xurídicas e prácticas cara á relación dos autores con esta sociedade de xestión, así como en diferentes aspectos da Lei de Propiedade Intelectual. Participarán como relatores Juan Carlos F. Fasero, director da Zona Noroeste da SGAE; Marian López, coordinadora do Departamento de Socios na sede de Asturias; e Marina Luiña, en representación do servizo xurídico desta entidade.
O módulo internacional deste programa ocupará as xornadas do martes 29 e do mércores 30 de abril. Na primeira delas, Stuart Worthington e Christian Ulf-Hansen proporcionarán aos asistentes unha serie de instrumentos para comprender o negocio musical actual, compartindo a súa ampla experiencia como xestores das súas propias compañías de management e como docentes en diferentes foros internacionais.
Máis de 30 anos con Stevie Wonder
Para a última cita deste evento contarase coa presenza de Keith Harris quen, acompañado de Worthington, centrarase na planificación e preparación do desembarco de artistas no mercado internacional. Harris xestiona a carreira de Stevie Wonder desde hai máis de trinta anos. Nos anos setenta desenvolveu a súa traxectoria en EMI Records, onde traballou con Elton John e onde chegou a poñerse á fronte do selo Motown, do que foi director xeral durante dous anos traballando con artistas tan míticos como Marvin Gaye, Diana Ross, Smokey Robinson, The Commodores ou The Supremes, entre outros.
Gabinete de Comunicación da Xunta de Galicia
