Adxudícanse case 174.000 euros a 76 proxectos de distribución de espectáculos
A Consellería de Cultura, Educación e Ordenación Universitaria publica na web da Agadic (Axencia Galega das Industrias Culturais) a adxudicación dun total de 173.380 euros a 19 empresas culturais galegas a través do apartado de distribución da liña de subvencións ás industrias culturais. Esta é a primeira contía concedida este ano ao abeiro desta modalidade, para a que se reserva un total de 350.000 euros. Destínase a apoiar 76 propostas de distribución de espectáculos escénicos e musicais e de promoción exterior de produtos culturais a través da asistencia a feiras e mercados profesionais.
No caso da modalidade de distribución e á espera de que se resolva a concesión do orzamento restante, nesta primeira relación de empresas beneficiarias contabilízanse 14 compañías de teatro, dúas promotoras musicais, outras dúas editoras e unha galería de arte. No caso do teatro, favorécese a presenza en numerosos escenarios, mostras e festivais, principalmente fóra de Galicia, das compañías A Xanela do Maxín, Ancora Produccións, Boaobab Teatro, Eme2 Emoción&Arte, Inversa teatro, Malasombra Producións, OS Monicreques de Kukas, Producións Teatrais Excéntricas, Redrum Producións, Tanxarina Títeres, Teatro alla Escala 1:5, Teatro del Andamio, Teatro Ensalle e Voadora. En canto á música, a través desta primeira quenda de adxudicacións apóiase a extensa xira española desenvolvida a pasada temporada polo grupo Luar na Lubre.
Feiras e mercados internacionais
Tamén reciben apoio as editoras Ouvirmos e Hércules de Ediciones para viaxar a destacadas feiras internacionais como a de Frankfurt ou a de Bolonia, as promotoras musicais Mar Maior e Tres Laboratorio para asistir a Womex 2013, que se desenvolve estes días en Cardiff (Gales); Tanxarina Títeres para participar en diferentes encontros escénicos, e a Galería Trinta para acudir a Casa Arte, Arco e Lima Photo.
Esta modalidade de axudas á distribución insírense, á súa vez, no programa xeral de subvencións 2013 que a Consellería de Cultura e Educación desenvolve a través da Agadic e que supón un investimento directo no sector cultural galego de 2.646.000 euros a través de seis liñas de axuda: ás industrias culturais, a producións ou coproducións audiovisuais en lingua galega, ao desenvolvemento de proxectos audiovisuais, á creación audiovisual para o desenvolvemento e promoción do talento audiovisual galego, á organización de festivais escénicos e musicais de carácter profesional e a festivais, feiras, mostras, ciclos e certames de artes escénicas e musicais de carácter afeccionado.
A relación completa de beneficiarios e contías concedidas está dispoñible para a súa consulta en www.agadic.info.
No caso da modalidade de distribución e á espera de que se resolva a concesión do orzamento restante, nesta primeira relación de empresas beneficiarias contabilízanse 14 compañías de teatro, dúas promotoras musicais, outras dúas editoras e unha galería de arte. No caso do teatro, favorécese a presenza en numerosos escenarios, mostras e festivais, principalmente fóra de Galicia, das compañías A Xanela do Maxín, Ancora Produccións, Boaobab Teatro, Eme2 Emoción&Arte, Inversa teatro, Malasombra Producións, OS Monicreques de Kukas, Producións Teatrais Excéntricas, Redrum Producións, Tanxarina Títeres, Teatro alla Escala 1:5, Teatro del Andamio, Teatro Ensalle e Voadora. En canto á música, a través desta primeira quenda de adxudicacións apóiase a extensa xira española desenvolvida a pasada temporada polo grupo Luar na Lubre.
Feiras e mercados internacionais
Tamén reciben apoio as editoras Ouvirmos e Hércules de Ediciones para viaxar a destacadas feiras internacionais como a de Frankfurt ou a de Bolonia, as promotoras musicais Mar Maior e Tres Laboratorio para asistir a Womex 2013, que se desenvolve estes días en Cardiff (Gales); Tanxarina Títeres para participar en diferentes encontros escénicos, e a Galería Trinta para acudir a Casa Arte, Arco e Lima Photo.
Esta modalidade de axudas á distribución insírense, á súa vez, no programa xeral de subvencións 2013 que a Consellería de Cultura e Educación desenvolve a través da Agadic e que supón un investimento directo no sector cultural galego de 2.646.000 euros a través de seis liñas de axuda: ás industrias culturais, a producións ou coproducións audiovisuais en lingua galega, ao desenvolvemento de proxectos audiovisuais, á creación audiovisual para o desenvolvemento e promoción do talento audiovisual galego, á organización de festivais escénicos e musicais de carácter profesional e a festivais, feiras, mostras, ciclos e certames de artes escénicas e musicais de carácter afeccionado.
A relación completa de beneficiarios e contías concedidas está dispoñible para a súa consulta en www.agadic.info.
Gabinete de Comunicación da Xunta de Galicia
