A Fundación Cela celebra o tricentenario da RAE cunha mostra de grandes xoias

A Consellería de Cultura, Educación e Ordenación Universitaria a través da Fundación Pública Galega Camilo José Cela inaugura a exposición “Unas barbas en la Academia, la RAE en el legado de Camilo José Cela”. Unha mostra coa que a entidade de Iria Flavia pretende adherise aos actor en conmemoración do tricentenario desta institución que se están a desenvolver en diversas partes do mudo co obxectivo de repasar a súa historia e importancia.

A mostra

“Unas barbas en la Academia, la RAE en el legado de Camilo José Cela” inclúe parte do legado persoal sobre a RAE que Camilo José Cela doou gratuitamente á Fundación. Así poderanse ver desde os primeiros estatutos que rexeron a institución, pasando polos seus boletíns, anuarios, gramáticas, ortografías e dicionarios.

O premio Nobel conservou unha gran colección de pezas relacionadas coa historia de esta institución, destacando entre elas coleccións curiosas coma a de discursos de ingreso de Académicos, a de Quixotes e obras de Miguel de Cervantes editadas pola RAE así coma a colección completa de cartas e telegramas recibidos e enviados para a súa campaña de ingreso na institución académica que culminou coa súa elección como Académico en 1957 ocupando a cadeira de brazos “Q”.

A exposición que reúne as pezas máis salientables deste conxunto, estará vixente ata xaneiro de 2014 e vai acompañada de talleres e actividades educativas gratuítas dirixidas a comunidade escolar -dende Infantil e Primaria a Bacharelato- relacionadas coa arte da palabra. Para máis información sobre esta e outras actividades gratuítas da Fundación pode consultarse o blog http://camilinojosesino.blogspot.com.es ou contactar coa Fundación no teléfono 981 81 24 25 ou no mail visitas@fundacioncela.com

Activa participación

A institución padronesa tamén colabora na exposición conmemorativa dos trescentos anos da RAE organizada por Acción Cultural Española e a propia Real Academia Española “La lengua y la palabra”, que se está a desenvolver na Biblioteca Nacional de España ata o vindeiro 26 de xaneiro de 2014, co préstamo para exposición da medalla e do diploma do premio Nobel de Literatura outorgado a Camilo José Cela en 1989.