As pombas do Carboeiro dinamiza o uso do idioma a través das bandas de música
A actividade de dinamización lingüística “As pombas de Carboeiro”, que a Consellería de Cultura, Educación e Ordenación Universitaria promove a través da Secretaría Xeral de Política Lingüística no marco do programa “FalaRedes 2013”, retoma esta fin de semana a súa itinerancia por concellos da Rede de Dinamización Lingüística (RDL) da Xunta de Galicia. A mocidade fisterrá poderá gozar deste espectáculo, que está deseñado para levarse a cabo en colaboración coa banda de música municipal da localidade anfitrioa, o domingo ás 18:30 horas nun pase que terá lugar na Casa do Concello de Fisterra.
“As pombas de Carboeiro” combinan lingua narrada e dramaturxia, monicreques e música, da man da compañía “Fantoches Baj”. Durante a representación, o elenco artístico convértense en frades que teñen por misión convencer o batallón do exército napoleónico de que non sacie a súa fame coa poboación de pombas mensaxeiras que habitan no mosteiro de Carboeiro. A historia descobre o amor prohibido entre Cervela (correo de El-Rei Fernando II) e Octavia (a filla máis nova de Lupa de Lobarzán), que dará orixe á estirpe de aves que habitan o mosteiro.
Unha das técnicas de de representación da historia, na que tamén se mesturan os contos, os cantos, as lendas, os monicreques e os romances, é a do kamishibai, unha vella arte xaponesa baseada na sucesión de láminas impresas nunha xanela de madeira que leva unha bicicleta. As imaxes escollidas para construír o relato son as que compoñen as cartas do Tarot da Marsellesa, coas que entretiñan tradicionalmente os soldados franceses.
“As pombas de Carboeiro” comezou en abril o seu itinerario por concellos da RDL, no marco de “FalaRedes 2013”, e ata final de ano sumará un total de 19 localidades ao longo de toda a xeografía galega. Na primeira parte da xira, o espectáculo chegou aos municipios de Vedra, Cambados, O Carballiño, O Rosal, Negreira e Melide. Despois dos meses de verán, levou teatro e diversión en galego a Padrón e Ortigueira, localidades ás que se lle sumarán nas semanas vindeiras os concellos de Tui, Valga, Ribadavia, Brión, Boiro, Oleiros, Viveiro, Foz, Sober e Lalín.
Toda a información e o calendario completo de “As pombas de Carboeiro” e “FalaRedes 2013” xa está dispoñible en www.xunta.es/linguagalega/falaredes_2013, así como nas redes sociais.
“As pombas de Carboeiro” combinan lingua narrada e dramaturxia, monicreques e música, da man da compañía “Fantoches Baj”. Durante a representación, o elenco artístico convértense en frades que teñen por misión convencer o batallón do exército napoleónico de que non sacie a súa fame coa poboación de pombas mensaxeiras que habitan no mosteiro de Carboeiro. A historia descobre o amor prohibido entre Cervela (correo de El-Rei Fernando II) e Octavia (a filla máis nova de Lupa de Lobarzán), que dará orixe á estirpe de aves que habitan o mosteiro.
Unha das técnicas de de representación da historia, na que tamén se mesturan os contos, os cantos, as lendas, os monicreques e os romances, é a do kamishibai, unha vella arte xaponesa baseada na sucesión de láminas impresas nunha xanela de madeira que leva unha bicicleta. As imaxes escollidas para construír o relato son as que compoñen as cartas do Tarot da Marsellesa, coas que entretiñan tradicionalmente os soldados franceses.
“As pombas de Carboeiro” comezou en abril o seu itinerario por concellos da RDL, no marco de “FalaRedes 2013”, e ata final de ano sumará un total de 19 localidades ao longo de toda a xeografía galega. Na primeira parte da xira, o espectáculo chegou aos municipios de Vedra, Cambados, O Carballiño, O Rosal, Negreira e Melide. Despois dos meses de verán, levou teatro e diversión en galego a Padrón e Ortigueira, localidades ás que se lle sumarán nas semanas vindeiras os concellos de Tui, Valga, Ribadavia, Brión, Boiro, Oleiros, Viveiro, Foz, Sober e Lalín.
Toda a información e o calendario completo de “As pombas de Carboeiro” e “FalaRedes 2013” xa está dispoñible en www.xunta.es/linguagalega/falaredes_2013, así como nas redes sociais.
Gabinete de Comunicación da Xunta de Galicia
