As Xornadas sobre viño e cultura galega, en Ourense entre o 8 e o 10 de outubro
A creación literaria, artística e musical galegas dialogan coa cultura do viño no marco das Xornadas Viño e Cultura, que se realizarán na cidade de Ourense do 8 de outubro ao 10 de decembro co apoio da Consellería de Cultura, Educación e Ordenación Universitaria, a través da Secretaría Xeral de Cultura.
Logo do seu paso polas cidades de Santiago de Compostela e de Vigo entre os meses de abril e de xuño, o profesor da Universidade de Santiago de Compostela Xavier Castro e a actriz Uxía Blanco propoñen agora en Ourense o achegamento á cultura do viño a través da obra dos creadores galegos Maruja Mallo, Rosalía de Castro, Julio Camba, Ramón María del Valle-Inclán e Álvaro Cunqueiro.
Cada un dos autores centrará as sesións que conforman a iniciativa, que tende pontes entre a obra destes autores e a produción de adegueiros galegos, sobre todo artesáns, que tamén tomarán parte no acto. En cada sesión explicaranse aspectos da obra do autor correspondente, a través de cuestións relacionadas coa cultura do viño e coa temática gastronómica vinculada con ela. Para isto, salientarase o vencello que existe entre ambos, comentaranse os cadros ou apartados da obra literaria nos que se fai mención ao viño e recitaranse poemas e fragmentos en prosa.
As xornadas contarán, así mesmo, con interludios musicais nos que se escoitarán pezas alusivas á cultura do viño e que garden algún tipo de vínculo co creador protagonista de cada sesión, tanto fragmentos de óperas ou obras clásicas, como tamén jazz e música galega tradicional. Neste marco realizarase tamén unha iniciación á cata de viños.
As sesións levaranse a cabo na cafetería do Liceo de Ourense, en horario de 20:00 a 22:00 horas. A obra e a figura de Maruja Mallo centrarán a primeira xornada, que se realizará o martes 8 de outubro. En novembro, Rosalía de Castro e Julio Camba serán os protagonistas, os días 19 e 26 de novembro, respectivamente. As últimas dúas sesións, xa no mes de decembro, dedicaránselles a Ramón María del Valle-Inclán, o 3 de decembro, e a Álvaro Cunqueiro, o 10 de decembro.
Cada sesión terá un prezo de 8 euros para socios do Liceo e 10 euros para non socios, con dereito a viños e petiscos. Pódese adquirir a entrada na propia cafetería do Liceo.
Logo do seu paso polas cidades de Santiago de Compostela e de Vigo entre os meses de abril e de xuño, o profesor da Universidade de Santiago de Compostela Xavier Castro e a actriz Uxía Blanco propoñen agora en Ourense o achegamento á cultura do viño a través da obra dos creadores galegos Maruja Mallo, Rosalía de Castro, Julio Camba, Ramón María del Valle-Inclán e Álvaro Cunqueiro.
Cada un dos autores centrará as sesións que conforman a iniciativa, que tende pontes entre a obra destes autores e a produción de adegueiros galegos, sobre todo artesáns, que tamén tomarán parte no acto. En cada sesión explicaranse aspectos da obra do autor correspondente, a través de cuestións relacionadas coa cultura do viño e coa temática gastronómica vinculada con ela. Para isto, salientarase o vencello que existe entre ambos, comentaranse os cadros ou apartados da obra literaria nos que se fai mención ao viño e recitaranse poemas e fragmentos en prosa.
As xornadas contarán, así mesmo, con interludios musicais nos que se escoitarán pezas alusivas á cultura do viño e que garden algún tipo de vínculo co creador protagonista de cada sesión, tanto fragmentos de óperas ou obras clásicas, como tamén jazz e música galega tradicional. Neste marco realizarase tamén unha iniciación á cata de viños.
As sesións levaranse a cabo na cafetería do Liceo de Ourense, en horario de 20:00 a 22:00 horas. A obra e a figura de Maruja Mallo centrarán a primeira xornada, que se realizará o martes 8 de outubro. En novembro, Rosalía de Castro e Julio Camba serán os protagonistas, os días 19 e 26 de novembro, respectivamente. As últimas dúas sesións, xa no mes de decembro, dedicaránselles a Ramón María del Valle-Inclán, o 3 de decembro, e a Álvaro Cunqueiro, o 10 de decembro.
Cada sesión terá un prezo de 8 euros para socios do Liceo e 10 euros para non socios, con dereito a viños e petiscos. Pódese adquirir a entrada na propia cafetería do Liceo.
Gabinete de Comunicación da Xunta de Galicia
