Máis de 12.000 persoas visitaron en Madrid a exposición de Luis Gabú
A Consellería de Cultura, Educación e Ordenación Universitaria celebra a boa acollida da exposición ‘Arte e ritual na Catedral de Santiago’, do fotógrafo coruñés Luis Gabú, que pechou as súas portas no Museo Nacional de Antropología, en Madrid, tras recibir un total de 11.953 visitantes desde o pasado 6 de xuño.
A exposición, composta por 20 instantáneas sobre o Xacobeo e as peregrinacións a Santiago de Compostela tomadas ao longo do ano 2010 foi organizada pola Consellería de Cultura, Educacion e Ordenación Universitaria xunto co Ministerio de Educación, Cultura y Deporte, a través do Museo Nacional de Antropología.
Impulso do Camiño de Santiago
Con este traballo, o recoñecido artista galego Luis Gabú afondou no aspecto antropolóxico do Camiño de Santiago, achegando a súa visión persoal dun feito de arraigada tradición na cultura europea que sobreviviu ao paso dos séculos. Este creador, que vai máis alá dos límites do noso territorio, ofreceu unha mirada particular do Camiño chea de connotacións antropolóxicas cunha evidente carga poética. Nas súas imaxes recóllese o mundo da espiritualidade, un aspecto xa reflectido anteriormente noutras das súas obras sobre terras e culturas dos diversos continentes que adquire especial importancia no mundo intimista e relixioso da peregrinación.
Por medio desta exposición, a Consellería de Cultura e Educación puxo en valor unha vez máis a necesidade de levar o Camiño de Santiago a terreos coma o artístico, continuando co seu labor de promoción desta tradición cultural de relevancia internacional cando están a piques de celebrarse os 800 anos da peregrinación de San Francisco de Asís a Santiago de Compostela.
A exposición, composta por 20 instantáneas sobre o Xacobeo e as peregrinacións a Santiago de Compostela tomadas ao longo do ano 2010 foi organizada pola Consellería de Cultura, Educacion e Ordenación Universitaria xunto co Ministerio de Educación, Cultura y Deporte, a través do Museo Nacional de Antropología.
Impulso do Camiño de Santiago
Con este traballo, o recoñecido artista galego Luis Gabú afondou no aspecto antropolóxico do Camiño de Santiago, achegando a súa visión persoal dun feito de arraigada tradición na cultura europea que sobreviviu ao paso dos séculos. Este creador, que vai máis alá dos límites do noso territorio, ofreceu unha mirada particular do Camiño chea de connotacións antropolóxicas cunha evidente carga poética. Nas súas imaxes recóllese o mundo da espiritualidade, un aspecto xa reflectido anteriormente noutras das súas obras sobre terras e culturas dos diversos continentes que adquire especial importancia no mundo intimista e relixioso da peregrinación.
Por medio desta exposición, a Consellería de Cultura e Educación puxo en valor unha vez máis a necesidade de levar o Camiño de Santiago a terreos coma o artístico, continuando co seu labor de promoción desta tradición cultural de relevancia internacional cando están a piques de celebrarse os 800 anos da peregrinación de San Francisco de Asís a Santiago de Compostela.
Gabinete de Comunicación da Xunta de Galicia
