Conmemórase do Día da Música cunha selección discográfica sobre a obra de Rosalía de Castro
A Consellería de Cultura, Educación e Ordenación Universitaria celebra o Día da Música coa difusión na rede dunha selección discográfica sobre a obra de Rosalía de Castro, a poeta que máis serviu á creación musical galega. Rosalía en vinte edicións discográficas é o título baixo o que se presenta esta recompilación das principais gravacións existentes da música de Rosalía de Castro, coa que a Secretaría Xeral de Cultura pretende reforzar a capacidade de proxección da obra da autora en forma de canción.
No marco da celebración dos 150 anos da publicación de ‘Cantares gallegos’, o departamento que dirixe Anxo Lorenzo pon ao dispor da cidadanía na súa páxina web esta escolma realizada polo profesor Xaime Estévez Vila, que recolle unha mostra da creatividade musical dedicada á obra de Rosalía de Castro e tamén á súa figura, en tanto que fonte inspiradora de artistas de diferentes épocas e estilos, ata 2012.
Acompañando a selección, Xaime Estévez achega información de interese sobre as diferentes edicións discográficas e sobre a difusión da obra de Rosalía de Castro a través da música, especialmente do poema Negra sombra, o máis musicado, aínda que toda a súa obra é fonte de inspiración musical.
Discografía rosaliana
‘Rosalía en vinte edicións discográficas’ é unha selección reducida da extensa produción musical desenvolvida a partir das letras da poeta galega. Segundo explica Estévez, musicólogo especialista en discografía galega, existen preto de catrocentas referencias a edicións gravadas que teñen a Rosalía de Castro como autora das letras. Entre elas atópanse exemplos que van desde os discos de lousa dos anos vinte gravados por coros como Cantigas da Terra da Coruña a Coral de Ruada de Ourense, ata traballos musicais recentes de estilos como o jazz de Alberto Conde, o rock de Astarot, o folk de A Quenlla ou Fía na Roca ou o rap de Aid, pasando polo pop de Los Tamara e Ana Kiro, e polos traballos de cantautores como César Morán e Jei Noguerol.
Menos numerosos son os monográficos de música e letra dedicados á escritora. O primeiro e un dos máis coñecidos foi o editado por Amancio Prada no ano 1975, titulado ‘Rosalía de Castro’, e ampliado e reformulado posteriormente como ‘Rosas a Rosalía’, en 1997, e inclúese nesta escolma discográfica que pode descargarse no web http://cultura.xunta.es
Xira musical ‘A Rosalía de Federico’, esta noite en Ourense
Ademais desta iniciativa ‘Rosalía en vinte edicións discográficas’, a Consellería de Cultura e Educación está a promover neste ano 2013 a celebración do 150.º aniversario da publicación de ‘Cantares gallegos’ con outras actividades de carácter musical. O programa de actividades arredor desta efeméride tamén inclúe outras actuacións que teñen a música como protagonista. É o caso da xira galega de Amancio Prada ‘A Rosalía de Federico’, un espectáculo no que o artista recupera as voces dos dous poetas a través da música. O Teatro Principal de Ourense acolle esta noite, ás 21:00 horas, o primeiro concerto desta xira que tamén que estará na Estrada (26 de xuño), en Vigo (27 de xuño), na Coruña (28 de xuño), en Salvaterra de Miño (24 de agosto) e Lalín (20 de setembro).
Este mes, a Consellería de Cultura e Educación e o Consello da Cultura Galega tamén celebraron o concerto ‘No bico un cantar. Nenos e nenas cantan a Rosalía’, no que preto de cincocentos alumnos e alumnas de conservatorios musicais de toda Galicia lle puxeron voz a catro poemas da escritora.
No marco da celebración dos 150 anos da publicación de ‘Cantares gallegos’, o departamento que dirixe Anxo Lorenzo pon ao dispor da cidadanía na súa páxina web esta escolma realizada polo profesor Xaime Estévez Vila, que recolle unha mostra da creatividade musical dedicada á obra de Rosalía de Castro e tamén á súa figura, en tanto que fonte inspiradora de artistas de diferentes épocas e estilos, ata 2012.
Acompañando a selección, Xaime Estévez achega información de interese sobre as diferentes edicións discográficas e sobre a difusión da obra de Rosalía de Castro a través da música, especialmente do poema Negra sombra, o máis musicado, aínda que toda a súa obra é fonte de inspiración musical.
Discografía rosaliana
‘Rosalía en vinte edicións discográficas’ é unha selección reducida da extensa produción musical desenvolvida a partir das letras da poeta galega. Segundo explica Estévez, musicólogo especialista en discografía galega, existen preto de catrocentas referencias a edicións gravadas que teñen a Rosalía de Castro como autora das letras. Entre elas atópanse exemplos que van desde os discos de lousa dos anos vinte gravados por coros como Cantigas da Terra da Coruña a Coral de Ruada de Ourense, ata traballos musicais recentes de estilos como o jazz de Alberto Conde, o rock de Astarot, o folk de A Quenlla ou Fía na Roca ou o rap de Aid, pasando polo pop de Los Tamara e Ana Kiro, e polos traballos de cantautores como César Morán e Jei Noguerol.
Menos numerosos son os monográficos de música e letra dedicados á escritora. O primeiro e un dos máis coñecidos foi o editado por Amancio Prada no ano 1975, titulado ‘Rosalía de Castro’, e ampliado e reformulado posteriormente como ‘Rosas a Rosalía’, en 1997, e inclúese nesta escolma discográfica que pode descargarse no web http://cultura.xunta.es
Xira musical ‘A Rosalía de Federico’, esta noite en Ourense
Ademais desta iniciativa ‘Rosalía en vinte edicións discográficas’, a Consellería de Cultura e Educación está a promover neste ano 2013 a celebración do 150.º aniversario da publicación de ‘Cantares gallegos’ con outras actividades de carácter musical. O programa de actividades arredor desta efeméride tamén inclúe outras actuacións que teñen a música como protagonista. É o caso da xira galega de Amancio Prada ‘A Rosalía de Federico’, un espectáculo no que o artista recupera as voces dos dous poetas a través da música. O Teatro Principal de Ourense acolle esta noite, ás 21:00 horas, o primeiro concerto desta xira que tamén que estará na Estrada (26 de xuño), en Vigo (27 de xuño), na Coruña (28 de xuño), en Salvaterra de Miño (24 de agosto) e Lalín (20 de setembro).
Este mes, a Consellería de Cultura e Educación e o Consello da Cultura Galega tamén celebraron o concerto ‘No bico un cantar. Nenos e nenas cantan a Rosalía’, no que preto de cincocentos alumnos e alumnas de conservatorios musicais de toda Galicia lle puxeron voz a catro poemas da escritora.
Gabinete de Comunicación da Xunta de Galicia
