Máis de 10.000 persoas xa se achegaron á exposición Cen anos da Biblioteca América 1904-2004
O Colexio de Fonseca acolle ata o 9 de xaneiro a exposición Cen anos da Biblioteca América 1904-2004 na que se poden contemplar obxectos e documentos relacionados coa historia deste acervo bibiliográfico depositado na USC, así coma obras e informacións varias sobre a súa historia ao longo dos seus cen anos de existencia e que a convertiu hoxe nun dos fondos especializados sobre América Latina máis destacados de España. Dende a súa inauguración a mediados do pasado mes de novembro, máis de 6.400 persoas visitaron a exposición e outras 3.600 as instalacións da Biblioteca América, ubicadas no propio Colexio de Fonseca.
Con esta exposición, ademais de conmemorar os cen anos da Biblioteca América da USC, preténdese render unha homenaxe ao que fora o seu impulsor e creado, Gumersindo Busto. Composta de elementos expositivos que na súa inmensa maioría pertencen ao propio patrimonio da Universidade así como ao arquivo persoal da familia Busto, a mostra fai un percorrido cronolóxico dos seus cen anos de existencia procurando ensinar non só o acervo bibliográfico senón tamén todo aquelo que completa a súa vertente museística.
No marco do rexeneracionismo hispanoamericanista de comezos do século XX Gumersindo Busto, galego afincado na Arxentina, concebira a creación dunha Universidade Hispanoamericana en Santiago de Compostela, da que finalmente só resultou a Biblioteca. En xullo de 1904 iniciou a campaña de recopilación de toda aquela obra de contido americano que puidese servir ás súas fins e, finalmente, o 26 de xullo de 1926 a Biblioteca América foi inaugurada na USC con preto de catorce mil volumes publicados dende o século XIX ata esa data. Dado o carácter enciclopédico co que se creara o acervo, nel atopábanse textos das máis variadas disciplinas científicas: historia, literatura, dereito, medicina, ciencias naturais...
Ademais, Busto fixo chegar coa Biblioteca, e dentro dun proxecto cultural máis amplo que denominou Biblioteca-Museo América, diferentes coleccións zoolóxicas, botánicas, numismáticas, fotográficas, musicais, de medallas, etc... representativas de cada un deses aspectos no continente americano. O fondo bibliográfico continuou medrando dende aquela e na actualidade xa se aproxima aos trinta mil volumes, moitos deles de gran valor científico e cultural pola súa calidade e antigüedade.
Con esta exposición, ademais de conmemorar os cen anos da Biblioteca América da USC, preténdese render unha homenaxe ao que fora o seu impulsor e creado, Gumersindo Busto. Composta de elementos expositivos que na súa inmensa maioría pertencen ao propio patrimonio da Universidade así como ao arquivo persoal da familia Busto, a mostra fai un percorrido cronolóxico dos seus cen anos de existencia procurando ensinar non só o acervo bibliográfico senón tamén todo aquelo que completa a súa vertente museística.
No marco do rexeneracionismo hispanoamericanista de comezos do século XX Gumersindo Busto, galego afincado na Arxentina, concebira a creación dunha Universidade Hispanoamericana en Santiago de Compostela, da que finalmente só resultou a Biblioteca. En xullo de 1904 iniciou a campaña de recopilación de toda aquela obra de contido americano que puidese servir ás súas fins e, finalmente, o 26 de xullo de 1926 a Biblioteca América foi inaugurada na USC con preto de catorce mil volumes publicados dende o século XIX ata esa data. Dado o carácter enciclopédico co que se creara o acervo, nel atopábanse textos das máis variadas disciplinas científicas: historia, literatura, dereito, medicina, ciencias naturais...
Ademais, Busto fixo chegar coa Biblioteca, e dentro dun proxecto cultural máis amplo que denominou Biblioteca-Museo América, diferentes coleccións zoolóxicas, botánicas, numismáticas, fotográficas, musicais, de medallas, etc... representativas de cada un deses aspectos no continente americano. O fondo bibliográfico continuou medrando dende aquela e na actualidade xa se aproxima aos trinta mil volumes, moitos deles de gran valor científico e cultural pola súa calidade e antigüedade.
Gabinete de Comunicación USC
