Preséntanse os XXII Premios Irmandade do Libro da Federación de Librarías de Galicia
A Consellería de Cultura, Educación e Ordenación Universitaria participou na presentación dunha nova edición dos Premios Irmandade do Libro, unha iniciativa promovida pola Federación de Librarías de Galicia co obxectivo de recoñecer o traballo de promoción e divulgación do libro e da lectura desenvolvido por persoas, entidades e institución da sociedade galega.
O acto tivo lugar no Instituto Rosalía de Castro de Santiago de Compostela, centro premiado en 2009 con estes galardóns, e nel o secretario xeral de Cultura, Anxo Lorenzo, agradeceu en nome do Goberno galego “o traballo imprescindible dos que fan posible a promoción e difusión do libro e da lectura en galego, así como o desenvolvemento da nosa cultura”. “Co noso apoio á Federación de Librarías de Galicia, queremos sumarnos a este recoñecemento múltiple para todas as persoas e entidades que levan a cabo un destacado labor arredor do libro e da lectura”.
Xunto con Anxo Lorenzo tamén participaron no acto a presidenta e o vicepresidente da Federación de Librarías de Galicia, Pilar Rodríguez e Xosé Antón Pedreira, respectivamente; o director do IES Rosalía de Castro, Ubaldo Rueda; e a concelleira de Cultura de Monforte, Pilar Rodríguez.
Recoñecemento múltiple
Na súa vixésima segunda edición, os Premios Irmandade do Libro artéllanse nas modalidades de librería, autor/a, libro do ano, centro de ensino, obra editorial e fomento da lectura. Os gañadores deste ano recibirán un diploma acreditativo e mais cadansúa escultura de bronce, da autoría de Ismael López Fernández. O próximo día 20 de abril, o concello de Monforte de Lemos acollerá a entrega destes galardóns, no marco dun acto que terá lugar na Casa da Cultura.
A localidade monfortina tamén será este ano un dos escenarios das Feiras do Libro de Galicia, iniciativa que promove a Federación de Librarías coa colaboración da Secretaría Xeral de Cultura. Segundo explicou Anxo Lorenzo, a Consellería de Cultura e Educación reforza este ano as Feiras do Libro co seu apoio a catro citas máis que en 2012, concretamente as de Monforte de Lemos, Pontevedra, Foz e Rianxo.
Ademais, as feiras tamén chegarán en 2013, entre os meses de abril e de agosto, á Coruña, a Santiago de Compostela, a Vigo, a Ourense, a Viveiro, a Lugo e a Ferrol. Nesta última cidade será onde bote a andar a nova edición das Feiras do Libro de Galicia, o 19 de abril.
O acto tivo lugar no Instituto Rosalía de Castro de Santiago de Compostela, centro premiado en 2009 con estes galardóns, e nel o secretario xeral de Cultura, Anxo Lorenzo, agradeceu en nome do Goberno galego “o traballo imprescindible dos que fan posible a promoción e difusión do libro e da lectura en galego, así como o desenvolvemento da nosa cultura”. “Co noso apoio á Federación de Librarías de Galicia, queremos sumarnos a este recoñecemento múltiple para todas as persoas e entidades que levan a cabo un destacado labor arredor do libro e da lectura”.
Xunto con Anxo Lorenzo tamén participaron no acto a presidenta e o vicepresidente da Federación de Librarías de Galicia, Pilar Rodríguez e Xosé Antón Pedreira, respectivamente; o director do IES Rosalía de Castro, Ubaldo Rueda; e a concelleira de Cultura de Monforte, Pilar Rodríguez.
Recoñecemento múltiple
Na súa vixésima segunda edición, os Premios Irmandade do Libro artéllanse nas modalidades de librería, autor/a, libro do ano, centro de ensino, obra editorial e fomento da lectura. Os gañadores deste ano recibirán un diploma acreditativo e mais cadansúa escultura de bronce, da autoría de Ismael López Fernández. O próximo día 20 de abril, o concello de Monforte de Lemos acollerá a entrega destes galardóns, no marco dun acto que terá lugar na Casa da Cultura.
A localidade monfortina tamén será este ano un dos escenarios das Feiras do Libro de Galicia, iniciativa que promove a Federación de Librarías coa colaboración da Secretaría Xeral de Cultura. Segundo explicou Anxo Lorenzo, a Consellería de Cultura e Educación reforza este ano as Feiras do Libro co seu apoio a catro citas máis que en 2012, concretamente as de Monforte de Lemos, Pontevedra, Foz e Rianxo.
Ademais, as feiras tamén chegarán en 2013, entre os meses de abril e de agosto, á Coruña, a Santiago de Compostela, a Vigo, a Ourense, a Viveiro, a Lugo e a Ferrol. Nesta última cidade será onde bote a andar a nova edición das Feiras do Libro de Galicia, o 19 de abril.
Gabinete de Comunicación da Xunta de Galicia
