A escea galega entrega os Premios María Casares 2013 no día mundial do teatro
O Teatro Rosalía Castro da Coruña acolle o mércores 27 de marzo, Día Mundial do Teatro, a gala de entrega dos Premios María Casares, que conta co apoio da Consellería de Cultura, Educación e Ordenación Universitaria para a súa celebración como a festa da escena galega na que se recoñece o labor desenvolvido en 2012 polos profesionais do sector.
O evento organizado cada ano pola Asociación de Actores e Actrices de Galicia (AAAG) volve contar así co respaldo do departamento que dirixe Xesús Vázquez Abad, materializado a través do apoio económico da Axencia Galega das Industrias Culturais (Agadic) e da asistencia loxística e técnica por parte do Centro Dramático Galego (CDG).
O acto de presentación da cerimonia de entrega destes galardóns tivo lugar hoxe no Pazo de María Pita da Coruña presidido pola concelleira de Cultura, Ana Fernández, e coa participación, en representación da Consellería de Cultura, de Manuel Guede Oliva, director do CDG. Tamén interviñeron Antonio Durán Morris, membro da Xunta directiva da AAAG, e os actores da compañía BaCaNa Marcos Orsi e Xúlio Abonjo, condutores da gala deste ano e responsables tamén da súa dirección e guión.
Con Ratman e Bobyn
Os dous intérpretes explicaron o punto de partida e o fío argumental da cerimonia, que se valerá dos personaxes de Ratman e Bobyn, os dous superheroes creados pola súa propia compañía, para conducir unha velada que pretende ser amena, dinámica e divertida.
A dirección artística correrá a cargo de Suso Montero e a Marta Horjales correspóndelle a produción executiva e coordinación xeral dos premios. O traballo de Montero destaca por unha concepción sinxela, no que prima o cartón de embalaxe como motivo estético. A filosofía creativa busca poñer en valor o traballo artesanal e manual na construción dos elementos decorativos e da escenografía. A música tamén estará presente ao longo da cerimonia mediante a interpretación dunha banda conformada por Alejandro Casquero (teclados), Fidel Vázquez (guitarra e voz), Max Gómez (batería) e Xacobo Prieto (baixo e voz).
Homenaxe a Pilar Pereira
A partir das 20:00 horas irán dándose a coñecer os nomes dos gañadores e farase entrega dos XVII Premios María Casares nas súas 13 categorías, ás que concorren 17 espectáculos do total de 28 que presentaron candidaturas. Dous dos momentos centrais da noite serán a entrega do Premio de Honra Marisa Soto á actriz Pilar Pereira e a lectura do Manifesto Galego do Día Mundial do Teatro a cargo de Cesáreo Sánchez, presidente da Asociación de Escritores en Lingua Galega (AELG).
Os María Casares recoñecen o traballo dos profesionais do teatro nos distintos ámbitos de creación e produción en espectáculos en lingua galega estreados entre o 1 de xaneiro e o 31 de decembro de 2012. Cun total de 10 finalistas, Viaxe a ningunha parte, de Sarabela Teatro, sitúase á cabeza das montaxes candidatas canto a número de nomeamentos, xunto ao espectáculo Tokio 3, de Voadora, que aspira a nove galardóns.
A gala, que comezará ás 20.00 horas, será retransmitida pola Televisión de Galicia e, este ano, terá presenza en directo en Twitter a través do perfil que a Asociación de Actores e Actrices está a poñer en funcionamento para seguir ampliando a súa comunicación a través da rede, que será @TuitsdaAAAG. Durante a súa celebración promoverase, asemade, o hastag #oscasares.
O evento organizado cada ano pola Asociación de Actores e Actrices de Galicia (AAAG) volve contar así co respaldo do departamento que dirixe Xesús Vázquez Abad, materializado a través do apoio económico da Axencia Galega das Industrias Culturais (Agadic) e da asistencia loxística e técnica por parte do Centro Dramático Galego (CDG).
O acto de presentación da cerimonia de entrega destes galardóns tivo lugar hoxe no Pazo de María Pita da Coruña presidido pola concelleira de Cultura, Ana Fernández, e coa participación, en representación da Consellería de Cultura, de Manuel Guede Oliva, director do CDG. Tamén interviñeron Antonio Durán Morris, membro da Xunta directiva da AAAG, e os actores da compañía BaCaNa Marcos Orsi e Xúlio Abonjo, condutores da gala deste ano e responsables tamén da súa dirección e guión.
Con Ratman e Bobyn
Os dous intérpretes explicaron o punto de partida e o fío argumental da cerimonia, que se valerá dos personaxes de Ratman e Bobyn, os dous superheroes creados pola súa propia compañía, para conducir unha velada que pretende ser amena, dinámica e divertida.
A dirección artística correrá a cargo de Suso Montero e a Marta Horjales correspóndelle a produción executiva e coordinación xeral dos premios. O traballo de Montero destaca por unha concepción sinxela, no que prima o cartón de embalaxe como motivo estético. A filosofía creativa busca poñer en valor o traballo artesanal e manual na construción dos elementos decorativos e da escenografía. A música tamén estará presente ao longo da cerimonia mediante a interpretación dunha banda conformada por Alejandro Casquero (teclados), Fidel Vázquez (guitarra e voz), Max Gómez (batería) e Xacobo Prieto (baixo e voz).
Homenaxe a Pilar Pereira
A partir das 20:00 horas irán dándose a coñecer os nomes dos gañadores e farase entrega dos XVII Premios María Casares nas súas 13 categorías, ás que concorren 17 espectáculos do total de 28 que presentaron candidaturas. Dous dos momentos centrais da noite serán a entrega do Premio de Honra Marisa Soto á actriz Pilar Pereira e a lectura do Manifesto Galego do Día Mundial do Teatro a cargo de Cesáreo Sánchez, presidente da Asociación de Escritores en Lingua Galega (AELG).
Os María Casares recoñecen o traballo dos profesionais do teatro nos distintos ámbitos de creación e produción en espectáculos en lingua galega estreados entre o 1 de xaneiro e o 31 de decembro de 2012. Cun total de 10 finalistas, Viaxe a ningunha parte, de Sarabela Teatro, sitúase á cabeza das montaxes candidatas canto a número de nomeamentos, xunto ao espectáculo Tokio 3, de Voadora, que aspira a nove galardóns.
A gala, que comezará ás 20.00 horas, será retransmitida pola Televisión de Galicia e, este ano, terá presenza en directo en Twitter a través do perfil que a Asociación de Actores e Actrices está a poñer en funcionamento para seguir ampliando a súa comunicación a través da rede, que será @TuitsdaAAAG. Durante a súa celebración promoverase, asemade, o hastag #oscasares.
Gabinete de Comunicación da Xunta de Galicia
