Inaugúrase unha exposición sobre Antonio Casares, considerada unha das figuras máis grandes do século XIX galego
A sala de exposicións do Pazo de San Marcos, sede da Deputación de Lugo, acolle, ata o 15 de marzo, unha mostra dedicada á figura de ‘Antonio Casares, investigador e reitor da modernidade’, organizada pola Universidade de Santiago de Compostela en colaboración coa Vicepresidencia do ente provincial, no marco do ciclo Ano Antonio Casares Rodríguez (1812-2012).
O delegado de Cultura e Turismo da Deputación, o nacionalista Mario Outeiro, participou, xunto co actual reitor da USC, descendente do homenaxeado, Juan Casares Long, no acto inaugural desta exposición, deseñada por unha comisión de profesores da devandita Universidade co gallo da conmemoración do 200 aniversario do nacemento do químico monfortino.
Durante a súa intervención, Mario Outeiro cualificou a Antonio Casares como “unha das figuras claves do século XIX galego” e destacou o seu papel como “científico e investigador nos máis diversos campos, docente reputado, escritor e tradutor de libros científicos de grande importancia e repercusión, divulgador, decano, reitor, e cidadán comprometido coa súa terra”.
A mostra, que reflicte a figura de Antonio Casares como importante persoeiro na vida institucional da Universidade, complétase coa súa contribución científica, tanto no eido da química como de outros campos aos que prestou atención ao longo da súa vida, recollendo material relacionado co seu labor analítico en materias como a espectroscopía, a análise de augas e viños, os anestésicos, os ditames periciais, o descubrimento dos minerais Morenosita e Zaratita, a experiencia da luz eléctrica ou a estación metereolóxica.
Os diversos apartados da exposición confórmanse con material doado para a ocasión polos diversos centros da Universidade compostelá, así como por museos e organismos espallados por toda Galiza que dan conta da vida e obra dun científico comprometido coa sociedade da época na que vivía.
Neste senso, o delegado de Cultura e Turismo da Deputación insistiu en que “grazas a estas aportacións, todas aquelas persoas que visiten esta exposición poderán descubrir unha personaxe da historia do noso País aínda non moi ben coñecida, tanto dende un punto de vista científico como persoal, como cidadán no contexto dunha Compostela e unha Universidade que el contribuíu activamente a modernizar”.
O delegado de Cultura e Turismo da Deputación, o nacionalista Mario Outeiro, participou, xunto co actual reitor da USC, descendente do homenaxeado, Juan Casares Long, no acto inaugural desta exposición, deseñada por unha comisión de profesores da devandita Universidade co gallo da conmemoración do 200 aniversario do nacemento do químico monfortino.
Durante a súa intervención, Mario Outeiro cualificou a Antonio Casares como “unha das figuras claves do século XIX galego” e destacou o seu papel como “científico e investigador nos máis diversos campos, docente reputado, escritor e tradutor de libros científicos de grande importancia e repercusión, divulgador, decano, reitor, e cidadán comprometido coa súa terra”.
A mostra, que reflicte a figura de Antonio Casares como importante persoeiro na vida institucional da Universidade, complétase coa súa contribución científica, tanto no eido da química como de outros campos aos que prestou atención ao longo da súa vida, recollendo material relacionado co seu labor analítico en materias como a espectroscopía, a análise de augas e viños, os anestésicos, os ditames periciais, o descubrimento dos minerais Morenosita e Zaratita, a experiencia da luz eléctrica ou a estación metereolóxica.
Os diversos apartados da exposición confórmanse con material doado para a ocasión polos diversos centros da Universidade compostelá, así como por museos e organismos espallados por toda Galiza que dan conta da vida e obra dun científico comprometido coa sociedade da época na que vivía.
Neste senso, o delegado de Cultura e Turismo da Deputación insistiu en que “grazas a estas aportacións, todas aquelas persoas que visiten esta exposición poderán descubrir unha personaxe da historia do noso País aínda non moi ben coñecida, tanto dende un punto de vista científico como persoal, como cidadán no contexto dunha Compostela e unha Universidade que el contribuíu activamente a modernizar”.
Gabinete de Comunicación da Vicepresidencia Primeira da Deputación Provincial de Lugo
