Noa Persán gaña o XXIII Certame Galego de Pintura José Domínguez Guizán

En Lugo, na sala de arte da Xunta de Galicia, edificio administrativo,
reúnese o Xurado do XXIII CERTAME GALEGO DE ARTE “JOSÉ DOMÍNGUEZ GUIZÁN”, formado por AURELIA BASEIRO GARCÍA, Directora do Museo Provincial de Lugo; MANUEL GULÍN RODRÍGUEZ, pintor; GONZALO SÁNCHEZ FOLGUEIRA, pintor; e XULIO GIZ RAMIL, en representación do Centro Cultural convocante, sen voz nin voto, que actúa como Secretario.
Examinadas as obras presentadas, acordan por unanimidade emitir o
seguinte fallo:

Conceder o PREMIO JOSÉ DOMÍNGUEZ GUIZÁN, de pintura, dotado con 1.500€ e estatuíña de Sargadelos á obra IMPRONTAS ATEMPORAIS, da que é autora AINHOA PÉREZ SÁNCHEZ – NOA PERSÁN- de Lugo.

Conceder, así mesmo, pola calidade das obras presentadas, cadansúa
MENCIÓN DE HONRA, dotada con estatuíña de Sargadelos a:

- FRANCISCO MACEIRA RODRÍGUEZ, pola súa obra “SADA DENDE O OUROVELLO”

- JOSÉ MANUEL PEÑA ROMAY de Lugo, pola obra “PORTO DEPORTIVO O PARROTE”

- CARMEN LOLO POMBO de Lugo, pola obra CATEDRAL DE LUGO.

Os premios serán entregados o próximo 26 de xaneiro, sábado, no decurso
dos actos de clausura da IXL edición de O NADAL EN BEGONTE.