O actor Carlos Blanco presenta o seu espectáculo de humor en Meira

O humorista Carlos Blanco será o protagonista da velada do venres 28 de decembro en Meira xa que actuará nesta localicade organizado pola asociación cultural Eme de Meira. O espectáculo terá lugar na Casa da Cultura ás 21:30 horas e a entrada, ata completar aforo, terá un custe baixo,de 5 euros, destinados a sufragar as actividades culturais de Eme de Meira. Para esta finalidade, os membros da asociación tamén ofrecerán diferentes produtos de Eme de Meira, como camisetas ou bolígrafos de material reciclado co logotipo da asociación, e un servizo de bar na cafetería da Casa da Cultura con prezos populares.

Esta é a segunda vez que Carlos Blanco actúa en Meira, xa que o Nadal do ano pasado tamén estivo nesta localidade, conseguindo encher a Casa da Cultura de Meira ata a bandeira, algo que seguramente se repita nesta ocasión tendo en conta a expectativa que xera a presenza deste recoñecido humorista xunto ás datas nas que se celebra e tamén o asumible do prezo da entrada.