Presentouse en Betanzos o libro Ricardo Núñez, o emperador da simpatía

O xoves 4 de outubro celebrouse en Betanzos o acto de presentación do libro
RICARDO NÚÑEZ, O EMPERADOR DA SIMPATÍA, de Manuel Curiel Fernández,
editado con motivo da pasada Semana Internacional de Cine de Autor de Lugo.

O libro sobre o actor, director e productor cinematográfico nado en Betanzos, foi editado pola Deputación Provincial de A Coruña, que organiza
esta presentación, que se celebrou no Centro Internacional do Gravado (Fundación Ciec), de Betanzos, ás oito do serán.

Na presentación interviñeron Pedro Galilea, director da Fundación Ciec; Mariel Padín Fernández, Vicepresidenta da Deputación Provincial da Coruña; o autor do libro, Manuel Curiel e o Presidente de Fonmiñá, Xulio Xiz.

Na Fundación Ciec, así mesmo, exponse a Mostra sobre a vida e obra do cineasta betanceiro, que Fonmiñá ofreceu aos lucenses durante a Semana de Cine no Refectorio do Museo provincial de Lugo.

Fotografía: Carlos Rodríguez Arias.